| e-texts navigator |
| Wylie |
253b1 བོཔོར་སྣང་བ་ནི།། དེ་ནི་སྤྲུལ་པའི་སྐུ་ཞེས་བྱ་བ་ཡིན།། མཐོང་སྟངས་དབང་གིས་ཐ་དད་སྣང་བ་ལས།། དེ་མ་རྟོགས་པའི་སྣང་བ་ཡོད་པ་མིན།། གདུལ་བྱ་ཐམས་ཅད་སྤྲུལ་པའི་སྐུ་ཡི་ཞིང་ཁམས་ཡིན།། རིན་པོ་ཆེ་རྒྱས
253b2 པ་ཆེན་པོའི་རྒྱུད་ལས། སྐུ་གསུམ་ཞིང་ཁམས་ཀྱི་ལེའུ་སྟེ་དགུ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ལུས་ངག་དག་གི་འཁྲུལ་པ་ལས།། ལུས
253b3 གསུམ་རིམ་པས་བྱུང་བ་དང་།། ཤེས་རབ་རྣམ་པ་གསུམ་དག་དང་།། སྐུ་ནི་རྣམ་པ་གསུམ་དག་ལས།། འབྲས་བུ་རྣམ་གསུམ་འབྱུང་བ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ
253b4 སེམས་དཔའ་ལ།། ཟག་དང་བཅས་པའི་བག་ཆགས་དག་གི་ལུས།། ཆུ་བུར་སྤྱན་ལྡན་སྣང་བ་ཁ་དོག་གཟུགས།། ཐོས་བྱུང་ཤེས་རབ་མིང་ཚིག་སྒྲ་ལྡན་བརྟེན།། སེམས་ཀྱི་ཡེ་ཤེས་སྣང་ཡང་རྟོག་པ་མེད།། སྣང་བ
253b5 གཟུང་འཛིན་མེད་པའི་སྐུ་ཉིད་དེ།། འབྲས་བུ་བྱང་ཆུབ་སེམས་དཔའ་ཉིད་འཐོབ་པོ།། ཟག་པ་མེད་པའི་ལུས་ཉིད་ལ།། ལྷ་ཡི་སྤྱན་དང་ལྡན་པ་འབྱུང་།། བསམ་པ་ལས་བྱུང་ཤེས་རབ་སྐྱེ།། རང་བྱུང་ཡེ་ཤེས་ཆེན་པོ
253b6 དེས།། ཆོས་ཉིད་ནམ་མཁའ་ལྟ་བུར་རྟོགས།། འབྲས་བུ་བདེ་བར་གཤེགས་པ་འཐོབ།། མ་བཙལ་རང་བྱུང་ཡེ་ཤེས་ལུས།། རྡོ་རྗེ་ལྟ་བུའི་ལུས་ཉིད་ལ།། ཡེ་ཤེས་སྤྱན་དང་ལྡན་པ་འབྱུང་།། བསྒོམ་པ་ལས་བྱུང་ཤེས
iiif viewer powered by OpenSeadragon
