| e-texts navigator |
| Wylie |
253a1 ཀྱིས་བྱ་བ་ཀུན་བྱེད་པས།། དོན་ཡོད་གྲུབ་པར་ལྷུན་གྱིས་གྲུབ།། ཟག་པ་མེད་པའི་ཕུང་པོ་ལྔ་ལ་བརྟེན།། ཡེ་ཤེས་ལུས་ཅན་དེ་བཞིན་གཤེགས་པའི་སྐུ།། ཞིང་ཁམས་ཡོངས་སུ་དབང་བ་ཆེན་པོ་དེ།། མ
253a2 ཆགས་པདྨ་ཅན་གྱི་ས་ལ་དབང་།། དེ་རྫོགས་ཡི་གེ་ཚོགས་ཆེན་འཁོར་ལོའི་ས།། ཞིང་ཁམས་ཡོངས་སུ་དག་པ་ཆེན་པོར་སྣང་།། ཡེ་ཤེས་དབང་ཐོབ་ནང་རྟགས་ཡོན་ཏན་དུ་མ་ཕྱི་རུ་སྣང་།། ཞིང་ཁམས་དེ་ན་སྤྱོད་པའི
253a3 བདེ་གཤེགས་ལ།། སྣང་བ་རང་གིས་དོན་བྱས་ལྷུན་གྱིས་གྲུབ།། འཁྲུལ་སྣང་ལོངས་སྤྱོད་རྫོགས་པའི་སྐུ་དེ་ནི། སེམས་ཅན་ལས་དང་བག་ཆགས་དག་ལ་ཡང་།། མཚན་དང་དཔེ་བྱད་ལྟ་བུའི་སྣང་བ་ཤར།། རིགས
253a4 གསུམ་ལྟ་བུའི་རིགས་ཀྱི་དོན་ཉིད་བྱེད།། བསམ་གྱིས་མི་ཁྱབ་བསམ་ལས་འདས་པ་ནི།། དག་པ་ཆེན་པོའི་ཞིང་ཁམས་ཆེན་པོ་ཡིན།། རང་བཞིན་དག་པའི་ཞིང་ཁམས་ཆེན་པོ་ནི།། ཡེ་ཤེས་ལྔ་རུ་སྣང་བའི་ཞིང
253a5 ཁམས་ཡིན།། རིགས་ཉིད་དག་པའི་ཞིང་ཁམས་བདེ་བ་ནི།། ས་དང་ལམ་ལ་སྤྱོད་པའི་ཞིང་ཁམས་ཡིན།། སྤྲུལ་པའི་སྒྲ་ཡི་ཞིང་ཁམས་སྣང་ཚུལ་ནི།། རང་བཞིན་སྤྲུལ་པའི་སྐུ་དེ་ནི།། ཐམས་ཅད་སྤྲུལ་པའི་སྐུ་ཡིན
253a6 པས།། དེ་ལ་བརྟེན་ནས་དོན་བྱེད་ཐམས་ཅད་ནུས།། འདྲེན་པ་སྤྲུལ་པའི་སྐུ་དེ་ནི།། གང་ལྟར་འདོད་པ་དེ་ལ་དེར་སྣང་བའོ།། གདུལ་བྱ་སྤྲུལ་པའི་སྐུ་ཉིད་ནི།། ཞི་དང་ཁྲོ་བོའི་ཚུལ་དུ་སྣང་བའོ།། ངོ་བོ་མེད་ལས་ངོ།
iiif viewer powered by OpenSeadragon
