| e-texts navigator |
| Wylie |
252b1 ཚུལ་ནི།། བསམ་གྱིས་མི་ཁྱབ་བརྗོད་ཀྱིས་མི་ལང་ཡང་།། དཔེར་ན་མེ་ལོང་གཡའ་མེད་རང་བཞིན་དག་པ་དེར།། གང་གིས་བལྟས་པས་གཟུགས་བརྙན་དེ་བཞིན་འཆར།། བརྡའ་ཙམ་མཚོན་ན་སྣང་ལུགས་གསུམ
252b2 ཡིན་ཏེ།། སྣང་ལ་རང་བཞིན་མེད་པ་ཆོས་སྐུའི་སྣང་བ་ཡིན།། གསལ་ལ་རྟོག་པ་མེད་པ་ཡེ་ཤེས་སྣང་བ་ཡིན།། སྣ་ཚོགས་བག་ཆགས་སྣང་བ་སེམས་ཅན་སྣང་བ་ཡིན།། སྐུ་ལ་མ་གཏོགས་སྣང་བ་གང་ཡང་མེད།། ཕྱི
252b3 ནང་ནང་དུ་སྣང་བ་ཆོས་ཀྱི་དབྱིངས།། ལོངས་སྤྱོད་རྫོགས་པའི་སྐུ་ཡི་ཞིང་ཁམས་ནི།། མདོ་ཙམ་དག་གིས་མཚོན་པར་བྱ་བ་ནི།། རང་བྱུང་ལོངས་སྤྱོད་རྫོགས་པའི་སྐུ་ཉིད་དང་།། ཡན་ལག་ལོངས་སྤྱོད་རྫོགས་པའི་སྐུ
252b4 དང་ནི།། འཁྲུལ་སྣང་ལོངས་སྤྱོད་རྫོགས་པའི་སྐུ་ཉིད་དོ།། རང་བཞིན་ལོངས་སྤྱོད་རྫོགས་པའི་སྐུ་དེ་ནི།། གཞི་ལས་མ་བཙལ་རང་བྱུང་ལྷུན་གྲུབ་པ།། ཡོན་ཏན་ཐམས་ཅད་རྫོགས་པར་སྣང་བའོ།། སྐུ་ཡི་བྱིན་རླབས
252b5 ཡེ་ཤེས་ལྔ་རུ་ཤར།། ཡེ་ཤེས་ལྔ་ལས་བདེ་གཤེགས་རིགས་ལྔར་ཤར།། ཡན་ལག་ལོངས་སྤྱོད་རྫོགས་པའི་སྐུ་དེ་ནི།། སེམས་ཉིད་ཅིར་ཡང་སྣང་བས་ན།། རྣམ་པར་སྣང་མཛད་ལྷུན་གྱིས་གྲུབ།། སེམས་ལ་འགྱུར་བ
252b6 མེད་པས་ན།། རྡོ་རྗེ་སེམས་དཔར་ལྷན་གྱི་གྲུབ།། སེམས་ལས་ཐམས་ཅད་བྱུང་བས་ན།། རིན་ཆེན་འབྱུང་ལྡན་ལྷན་གྱིས་གྲུབ།། སེམས་ལ་ཐམས་ཅད་སྣང་བས་ན།། སྣང་བ་མཐའ་ཡས་ལྷུན་གྱིས་གྲུབ།། སེམས
iiif viewer powered by OpenSeadragon
