| e-texts navigator |
| Wylie |
252a1 ཞེས་བྱའོ།། འོད་མེད་རང་བཞིན་ལྷུན་གྲུབ་པས།། ཐེག་པ་ཆེན་པོ་ཞེས་བྱའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ཐེག་པ་ཆེན་པོའི་རང་བཞིན་གྱིས་ལེའུ་སྟེ་བརྒྱད་པའོ།། །། སྡུད་པའི་གསང
252a2 དབང་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཆོས་ཀྱི་སྐུ་ཡི་ཞིང་ཁམས་སྣང་ཚུལ་དང་།། ལོངས་སྤྱོད་རྫོགས་པའི་སྐུ་ཡི་ཞིང་ཁམས་སྣང་ཚུལ་དང་།། སྦྲུལ་སྐུའི་ཞིང་ཁམས་སྣང་ཚུལ
252a3 གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་ཀྱི་སྐུ་ཡི་ཞིང་ཁམས་སྣང་ཚུལ་ནི།། ཕྱི་དག་ཀུན་ཏུ་བཟང་པོའི་དགོངས་པ་དང་།། ནང་དག་ཀུན་ཏུ་བཟང་མོའི
252a4 དགོངས་པ་དང་།། དབྱེར་མེད་དག་པ་རྡོ་རྗེ་སེམས་དཔའ་ཡང་།། དག་པ་ཆོས་ཀྱི་སྐུ་ཡི་ཞིང་ཁམས་ཡིན།། མ་དག་ཆོས་ཀྱི་སྐུ་ཡི་ཞིང་ཁམས་ནི།། འབྱུང་བ་ས་ལ་བརྟེན་པའི་སྣོད་དང་བཅུད་ཉིད་དང་།། འབྱུང་བ་ཆུ
252a5 ལ་བརྟེན་པའི་སྣོད་དང་བཅུད་ཉིད་དང་།། འབྱུང་བ་མེ་ལ་བརྟེན་པའི་སྣོད་དང་བཅུད་ཉིད་དང་།། འབྱུང་བ་རླུང་ལ་བརྟེན་པའི་སྣོད་དང་བཅུད་ཉིད་དང་།། འབྱུང་བའི་རྩལ་ལ་བརྟེན་པའི་སྣོད་དང་བཅུད་ཉིད
252a6 དང་།། འབྱུང་བའི་མདངས་ལ་བརྟེན་པའི་སྣོད་དང་བཅུད་ཉིད་དང་།། འབྱུང་བ་མཁའ་ལ་བརྟེན་པའི་སྣོད་དང་བཅུད་ཉིད་ནི།། འབྱུང་དབྱེར་ཡང་མེད་ཆོས་ཀྱི་སྐུ་ཡི་ཞིང་ཁམས་ཡིན།། སངས་རྒྱས་ཆོས་ཀྱི་སྐུ་ཡི་སྣང
iiif viewer powered by OpenSeadragon
