| e-texts navigator |
| Wylie |
251b1 ཡིན་པས།། སྐད་ཅིག་གཅིག་གིས་རྫོགས་སངས་རྒྱས།། ཐེག་པ་ཆེན་པོའི་རྒྱུ་མཚན་ནི།། གཅིག་དང་གཉིས་སུ་ཕྱེ་བ་མེད་པས་ན།། ཐེག་པ་ཆེན་པོ་ཞེས་སུ་བྱ་བ་ཡིན།། དབྱིངས་ལས་ཡེ་ཤེས་ཤར་པས་སྣ་ཚོགས
251b2 རྒྱན་དུ་ཤར།། ཡེ་ཤེས་དབྱིངས་སུ་ཤར་བས་སྟོང་པ་ཆེན་པོའི་དོན།། ཐེག་པ་ཀུན་གྱི་སྙིང་པོ་རང་ཉིད་གནས།། གཅིག་ལས་ཐམས་ཅད་བྱུང་བས་ཐེག་པའི་འབྲས་བུ་ཡིན།། གཅིག་རྟོགས་ཀུན་ཉིད་རྟོགས་པས་ཐེག
251b3 པ་ཆེན་པོ་ཡིན།། ཐེག་པའི་རང་བཞིན་ཤེས་རབ་སྙིང་རྗེ་སྟེ།། སྤང་ཐོབ་མེད་པའི་ཐེག་པ་ཉེ་བར་གཟུང་།། ཐེག་པ་ཆེན་པོར་བཞག་པའི་དཔེ་ཉིད་ནི།། ཕྱོགས་ལྷུང་མེད་པ་ནམ་མཁའ་ལྟ་བུ་སྟེ།། ཀུན་ལས་གསལ་བ
251b4 ཉི་མ་ལྟ་བུ་དང་།། གོས་པ་མེད་པ་པདྨ་ལྟ་བུ་དང་།། ཡོན་ཏན་ཀུན་འབྱུང་ཡིད་བཞིན་ནོར་བུ་ལྟར།། ཐེག་པ་ཆེན་པོ་ཉིད་ཀྱང་དེ་དང་མཚུངས།། ཐེག་པ་རྣམས་ནི་དུ་མ་སྟེ།། བློ་ཡི་ཚད་དུ་གྱུར་པ་དེ་བཞིན
251b5 བས།། གཅིག་ལས་མ་གསུངས་སྣ་ཚོགས་སྣང་མོད་ཀྱང་།། དངོས་གཅིག་ཡིད་ནི་ཐ་དད་ཕྱིར།། དེ་ཡིས་དོན་རྣམས་འགྲུབ་པར་བྱེད།། ཇི་ལྟར་འགྲོ་བའི་མཐོང་སྟངས་ཀྱིས།། རྒྱལ་བ་ཉིད་ཀྱང་སྡུག་བསྔལ
251b6 རྒྱུ།། དམྱལ་བ་ཡི་དྭགས་དུད་འགྲོ་བཞིན།། ཐེག་པའི་དོན་ཡང་དེ་བཞིན་ནོ།། ཉོན་མོངས་གྲངས་ལས་འདས་པས་ན།། ཐེག་པ་རྣམས་ཀྱང་གྲངས་ལས་འདས།། གང་ལ་བརྟེན་ནས་དོན་འཐོབ་པས།། དེ་ལ་ཐེག་པ
iiif viewer powered by OpenSeadragon
