| e-texts navigator |
| Wylie |
251a1 པར་རྟོགས།། སྐུ་དང་ཡེ་ཤེས་ཆེན་པོ་འདི་ཉིད་ལས།། རྒྱུ་དང་འབྲས་བུ་དག་ནི་ཡོད་མ་ཡིན།། རྒྱུ་ཡི་དུས་ན་འབྲས་བུ་མངོན་དུ་གནས།། འབྲས་བུ་ཁོ་ན་རྒྱུ་ཉིད་ཁོ་ནའོ།། ལམ་རྣམས་སྦྱང་མེད་པ
251a2 རྣམས་བགྲོད་མེད་པས།། སྐུ་དང་ཡེ་ཤེས་དག་པ་ཆེན་པོ་ཡིན།། འདུ་འབྲལ་མེད་པའི་ཞིང་ཁམས་ཡོངས་སུ་དག། གཉིས་མེད་རྡོ་རྗེ་འཆང་གི་སྐུ་ཉིད་དོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། སྐུ་དང་ཡེ་ཤེས་ཀྱི
251a3 ལེའུ་སྟེ་བདུན་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཐེག་པ་ཆེན་པོའི་ཚད་དང་ནི།། ཐེག་པ་ཆེན་པོའི་རྒྱུ་མཚན་དང་།། ཐེག་པ་ཆེན་པོར་གཞག
251a4 པའི་དཔེ་ཉིད་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། རྒྱུད་ཀྱི་རྒྱལ་པོ་ཆེན་པོ་འདི།། དབྱིངས་དང་ཡེ་ཤེས་འབྲལ་བ་སྟེ།། དུས་གསུམ་སངས་རྒྱས་ཐམས
251a5 ཅད་ཀྱི།། དགོངས་པ་གཅིག་ཏུ་འབྲེལ་བའི་དོན།། སྐུ་དང་གསུང་དང་ཐུགས་ཀྱི་རྒྱུད།། འབྱུང་གནས་གཏན་ལ་ངེས་པར་འབེབས།། ཐབས་མང་བ་ཡི་རྒྱུད་ཡིན་པས།། ཐེག་པ་སྣ་ཚོགས་འདུལ་བའི་རྒྱུད།། ཐབས་ཆེ
251a6 བ་ཡི་རྒྱུད་ཡིན་པས།། མ་ངེས་ཡེ་ཤེས་རང་ལ་འཆར།། དོན་ཆེ་བ་ཡི་རྒྱུད་ཡིན་པས།། གང་ལྟར་བྱས་ཀྱང་འབྲས་བུ་འབྱུང་།། ཐབས་སླ་བ་ཡི་རྒྱུད་ཡིན་པས།། སྐུ་དང་ཡེ་ཤེས་རང་ལ་གནས།། ཐབས་མྱུར་བ་ཡི་རྒྱུད
iiif viewer powered by OpenSeadragon
