| e-texts navigator |
| Wylie |
250b1 པར་རྣམས།། ཡན་ལག་རྟོགས་པའི་སེམས་ཉིད་དེ།། སེམས་ཉིད་རྟོགས་པས་སངས་མི་རྒྱ།། སེམས་ཀྱི་སྣང་བ་ཡན་ལག་སྣང་བ་ཡིན།། ཡན་ལག་ཕུང་པོ་དངོས་པོ་འཁོར་བ་སྟེ།། རྣམ་ཤེས་མཐའ་ཡས་སྐྱེ་མཆེད
250b2 ཉིད་བཞིན་ནོ།། སེམས་ལས་སེམས་བྱུང་སེམས་ཀྱིས་སྣང་བ་ཤར།། སྐུ་དང་ཡེ་ཤེས་དག་གི་དབྱེ་བ་ནི།། སྐུ་ཡི་ཤར་ལུགས་བསམ་གྱིས་མི་ཁྱབ་ཀྱང་།། སྣང་ལུགས་རྣམ་གསུམ་དུ་ནི་སྣང་བ་ཡིན།། ངོ་བོ་ཉིད་ཀྱི་སྐུ
250b3 ཡི་གནས་ལུགས་ནི།། རྟོགས་ཏེ་སངས་རྒྱས་དགོངས་པ་མི་འཆར་ཞིང་།། མ་རྟོགས་སེམས་ཅན་བག་ཆགས་མི་སྣང་བ།། གང་དུ་མ་གཡོས་གདལ་བ་ཆེན་པོ་དེ།། མཉམ་པ་ཉིད་ཀྱི་སྐུ་ཞེས་བྱ་བ་ཡིན།། དཔེར་ན་ནམ
250b4 མཁའ་དག་པའི་ཚུལ་དུ་གནས་པ་ཡིན།། དེ་ལས་བྱུང་བ་སངས་རྒྱས་ཆོས་ཀྱི་སྐུ་ཡི་གནས་ལུགས་ནི།། སྙིང་པོ་དེ་ལས་ཐམས་ཅད་བྱུང་བས་ན།། དེ་ལས་བྱུང་དང་འབྱུང་ནས་གནས་པ་ཀུན།། དེ་ལས་མ་འདས་དབྱེར
250b5 མེད་རྟོགས་པས་ན།། ཐམས་ཅད་སངས་རྒྱས་ཆོས་ཀྱི་སྐུ་ཉིད་དོ།། དཔེར་ན་ནམ་མཁའ་ནས་བྱུང་ནམ་མཁའི་ཆོ་འཕྲུལ་ཡང་།། ནམ་མཁའ་ཉིད་ལས་ཡོངས་སུ་མ་འདས་སོ།། ཡན་ལག་ཆོས་ཀྱི་སྐུ་ཡི་རང་བཞིན
250b6 ནི།། སྟོང་པའི་རྩལ་ཉིད་སྟོང་པར་སྣང་བ་ལས།། བྱང་ཆུབ་སེམས་གཅིག་སྟོང་པ་ལྟ་བུར་སྣང་།། སྙིང་པོའི་ཡེ་ཤེས་རིག་པ་མ་གཡོས་པས།། རང་བྱུང་ཡེ་ཤེས་རིག་པ་དབྱེར་མེད་དོ།། ཡན་ལག་ཡེ་ཤེས་སྐད་ཅིག་སྟོང
iiif viewer powered by OpenSeadragon
