| e-texts navigator |
| Wylie |
250a1 ངོ་བོ་ཡིན་པའོ།། དེ་རྟོགས་དྲི་མ་མེད་པ་ཡེ་ཤེས་སྙིང་པོ་ཡིན།། སྐུ་དང་ཡེ་ཤེས་དག་གི་ཚད་ཉིད་ནི།། ཇི་བཞིན་གནས་པ་མ་བཅོས་པས།། རྩོལ་བསྒྲུབ་ཀུན་དང་བྲལ་བ་སྐུ་ཡི་ཚད།། རང་བྱུང་ཡེ་ཤེས
250a2 རིག་པ་མ་གཡོས་པ།། སྣང་ལ་རང་བཞིན་མེད་པ་ཡེ་ཤེས་ཚད།། སྐུ་དང་ཡེ་ཤེས་དག་གི་ཁྱབ་ཚུལ་ནི།། སྟོང་གསུམ་སྟོང་གི་མི་མཇེད་འཇིག་རྟེན་ཁམས།། རྒྱལ་བའི་ཞིང་ཁམས་དུ་མ་ཐམས་ཅད་དང་།། ཁམས
250a3 གསུམ་རིགས་དྲུག་བག་ཆགས་སོ་སོ་ལས།། སེམས་ཅན་རྒྱུད་ཀྱིས་བསྡུས་པ་ཐམས་ཅད་ཀུན།། སྐུ་དང་ཡེ་ཤེས་དག་ལས་བྱུང་བས་ན།། དེ་ལས་མ་གཏོགས་དངོས་པོ་གང་ཡང་མེད།། དེས་ན་སྐུ་དང་ཡེ་ཤེས་དག
250a4 གིས་ཀུན་ལ་ཁྱབ།། འདུས་མ་བྱས་ཀྱི་ནམ་མཁའ་ཆེན་པོ་དེ།། ཀུན་ལ་ཁྱབ་ཅིང་ཀུན་ལ་གནས་པས་ན།། སྐུ་དང་ཡེ་ཤེས་དག་ཀྱང་དེ་བཞིན་མཚུངས།། སྐུ་དང་ཡེ་ཤེས་དག་གི་སྣང་ཚུལ་ནི།། སྐུ་ནི་རིག་མེད་ངོ་བོ
250a5 སྤྲོས་དང་བྲལ།། དེ་ལས་བྱུང་བ་སྐུ་ཡི་སྣང་ཚུལ་ནི།། ཞི་འགག་མེད་པ་སྙིང་པོ་སྟོང་པར་སྣང་།། འབྱུང་བ་སྐུ་ཡི་སྣང་ཚུལ་ནི།། ཡོད་དང་མེད་པའི་མཐའ་རྣམས་མི་དམིགས་ཏེ།། རིག་མེད་སྟོང་པའི་ཚུལ་དུ་སྣང་བ
250a6 ཡིན།། བྱུང་ནས་གནས་པ་སྐུ་ཡི་སྣང་ཚུལ་ནི།། ཐམས་ཅད་བྱང་ཆུབ་སེམས་ལས་བྱུང་བའི་སྣང་བ་སྟེ།། དེ་ལས་མ་གཏོགས་དངོས་པོ་གང་ཡང་མེད།། དངོས་པོ་འཁོར་བར་སྣང་བ་དང་།། མཚན་མ་ཐེག་པའི་ཁྱད
iiif viewer powered by OpenSeadragon
