| e-texts navigator |
| Wylie |
24b1 སྟོང་དུ་ཡང་།། སྔགས་ཀྱི་འབྲས་བུ་མི་ཐོབ་བོ།། དབང་དང་དམ་ཚིག་ལྡན་པ་ལ།། ཐབས་མཁས་སྙིང་རྗེ་རབ་ལྡན་པས།། ཡིད་གཉིས་ཐེ་ཚོམ་མེད་པ་ན།། ངེས་པར་ལེགས་པའི་དགོས་པ་འགྲུབ།། འདི་ལ་མི་བྱ་ཅི
24b2 ཡང་མེད།། མི་བཟའ་བ་ནི་ཡང་མེད་དོ།། སྨྲ་བར་མི་བྱ་ཅུང་ཟད་མེད།། བདུད་རྩི་ལྔ་དང་ཤ་ལྔ་དང་།། བཟའ་བཏུང་ཐམས་ཅད་རིས་མེད་བྱ།། དབང་པོ་གཡོ་བ་ནང་དུ་སྦྱར།། མཉམ་པར་བཞག་པ་བརྟུལ་ནས
24b3 སུ།། ལུས་སེམས་ཁོང་ཀློད་གྱི་ནར་བཞག། ལུས་སེམས་ཚད་མར་གང་འཇོག་པ།། དེ་ལ་འཛིན་པའི་ཕུར་པ་དམ།། དངོས་གྲུབ་མཆོག་ཏུ་གྱུར་པའོ།། དེ་ནས་བཅོམ་ལྡན་འདས་དགྱེས་པ་ཆེན་པོ་དེས། ཉིད་ལ་ཉིད
24b4 ཆེད་དུ་བརྗོད་པ་འདི་ཆེད་དུ་བརྗོད་དོ།། དངོས་པོའི་རང་བཞིན་སྐྱེ་མེད་ཅིང་།། སྟོང་པ་ཉིད་ཀྱི་རང་བཞིན་ལས།། གཞི་རྩ་མེད་དབྱིངས་སྐད་ཅིག་མ།། འཁོར་བ་ལ་སོགས་འབྲས་བུ་རྣམས།། སྐད་ཅིག་ལས་ནི་བྱེད
24b5 གྱུར་ཏེ།། རྟེན་ཅིང་འབྲེལ་བར་འབྱུང་བའོ།། སྐད་ཅིག་རྒྱུ་འབྲས་མེད་པའི་དབྱིངས།། དེ་མོས་རྒྱུན་དུ་ཆད་མི་བྱ།། དེ་བས་དེ་བཞིན་ཉིད་མིན་བཞག། གལ་ཏེ་དེ་བཞིན་དེ་ལ་སྒྲིབ།། དེ་ནི་སྙིང་པོ་དེ་བས་མེད།། དེ
24b6 ལས་དེ་བྱུང་ངོ་མཚར་ཆེ།། འཁོར་བ་དང་ནི་མྱ་ངན་འདས།། སྐད་ཅིག་མ་ལ་རྟེན་འབྱུང་སྟེ།། ནུས་པ་སྐྱེས་པ་གདོན་མི་ཟ།། རྟོག་པའི་རྒྱུན་ནི་ཇི་སྙེད་པ།། སྐད་ཅིག་མས་ནི་བྱེད་གྱུར་ཏེ།། རྒྱུ་འབྲས་རྣམ་པ་ཞི་བ
iiif viewer powered by OpenSeadragon
