| e-texts navigator |
| Wylie |
249b1 ཡི་སྣང་བ་ཀུན་ཡང་དེ་བཞིན་འཆར།། ཕྱི་ཡི་སྣང་བ་ཇི་ལྟར་ཤར་བ་བཞིན།། ནང་གི་རིག་པ་དག་ཀྱང་དེ་བཞིན་འཆར།། དེས་ན་ཕྱི་དང་ནང་དུ་སྣང་བ་དབྱེར་མེད་དོ།། གཞི་ཉིད་དག་ལས་ཐམས་ཅད་རྫོགས་པས
249b2 ན།། གཞི་རྟོགས་པ་ནི་ཐམས་ཅད་རྟོགས་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། གཞི་ལས་བྱུང་བའི་ལེའུ་སྟེ་དྲུག་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ
249b3 ལ།། སྐུ་དང་ཡེ་ཤེས་དག་གི་ངོ་བོ་དང་།། སྐུ་དང་ཡེ་ཤེས་དག་གི་ཚད་ཉིད་དང་།། སྐུ་དང་ཡེ་ཤེས་དག་གི་ཁྱབ་ཚུལ་དང་།། སྐུ་དང་ཡེ་ཤེས་དག་གི་སྣང་ལུགས་དང་།། སྐུ་དང་ཡེ་ཤེས་དག་གི་དབྱེ་བ་གང་།། སྟོན
249b4 པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། སྐུ་དང་ཡེ་ཤེས་དག་གི་ངོ་བོ་ནི།། གང་དུ་མ་གྲུབ་ཅིར་ཡང་སྣང་བ་དེ།། འཛིན་མེད་ཆགས་པ་མེད་པ་སྐུ་ཡི་ངོ་བོ་ཡིན།། དེ་ལ
249b5 གསལ་རྟོག་མེད་ན་ཡེ་ཤེས་ངོ་བོ་ཡིན།། ཕྱོགས་བཅུ་དུས་གསུམ་དག་ན་བཞུགས་པ་ཡི།། འཁོར་དང་མྱ་ངན་འདས་པ་ཐམས་ཅད་ཀུན།། སོ་སོའི་གནས་དང་སོ་སོའི་རིགས་རྣམས་ཀུན།། སྣང་བའི་ཡུལ་རྣམས་སོ།
249b6 སོར་སྣང་མོད་ཀྱང་།། ཆོས་ཀྱི་སྐུ་ལས་ཐམས་ཅད་མ་འདས་ཏེ།། ཚོགས་བརྒྱད་ཡུལ་དུ་དེ་ཉིད་མ་གྱུར་པས།། སྟོང་པ་ཡེ་ཤེས་སྐུ་ཡི་སྙིང་པོ་ཅན།། རྟོགས་པའི་སྒྲ་བསམ་ཡུལ་ལས་འདས་པ་དེ།། དེ་ནི་ཆོས་ཀྱི་སྐུ་ཡི།
iiif viewer powered by OpenSeadragon
