| e-texts navigator |
| Wylie |
249a1 བ་ཡིན།། བྱུང་ནས་གནས་པའི་ཡི་གེ་ཡུལ་དུ་འགོད་པ་ཡིན།། བརྒྱུད་པ་མེད་པར་བརྒྱུད་པར་བྱུང་བ་ནི།། རང་བཞིན་རྣམ་དག་ཡེ་སངས་རྒྱས་པ་ལས།། རྒྱུ་དང་ལམ་དང་འབྲས་བུར་ཡོད་མ
249a2 ཡིན།། བསྒྲུབ་བྱ་ཀུན་དང་བྲལ་བ་གཞི་ཡི་རང་བཞིན་ལས།། ངོ་བོ་ཉིད་ཀྱི་སྐུ་ལས་གཞི་ཡི་རྩལ་གསུམ་བྱུང་།། སྐྱེ་མེད་མཚོན་པ་ཀུན་ཏུ་བཟང་མོ་དང་།། སྐྱེ་བ་མཚོན་པ་ཀུན་ཏུ་བཟང་པོ་དང་།། གཉིས་མེད་མཚོན
249a3 པ་རྡོ་རྗེ་སེམས་དཔའ་དང་།། དེ་ལས་བརྒྱུད་པ་རྣམ་གསུམ་བྱུང་བ་ནི།། ཐུགས་ཀྱིས་ཐུགས་ལ་བརྒྱུད་པ་ཡིས།། ཆོས་ཀྱི་སྐུ་ཡི་སྣང་བ་ཤར་བར་བྱུང་།། སྐུ་ཡིས་སྐུ་ལ་བརྒྱུད་པ་ཡིས།། ལོངས་སྤྱོད་རྫོགས་པ་སྐུ་ཡི
249a4 སྣང་བ་ཤར་བར་བྱུང་བའོ།། གསུང་གིས་གསུང་ལ་བརྒྱུད་པ་ཡིས།། སྤྲུལ་པའི་སྐུ་ཡི་སྣང་བ་ཤར་བར་བྱུང་བའོ།། རྟོག་པ་མེད་ལས་རྟོག་པ་བྱུང་བ་ནི།། གཞི་ཡི་སྐུ་ལ་རྟོག་དང་བརྟག་ཡུལ་མེད།། དེ་ལས་བྱུང་བ་དག
249a5 ལ་རྟོག་ཡུལ་གཉིས་སུ་སྣང་།། ནང་ལྷའི་རིག་པར་ཤར་བས་སྐུ་དང་ཡེ་ཤེས་རྟོག། ཕྱི་ལྷའི་རིག་པ་ཤར་བས་བག་ཆགས་ཁམས་གསུམ་རྟོག། སྣང་བ་མེད་ལས་སྣང་བར་བྱུང་བ་ནི།། སྙིང་པོ་ཉིད་ལས་ཕྱི་དང་ནང
249a6 མེད་ཀྱང་།། དེ་ལས་བྱུང་བས་ཕྱི་དང་ནང་དུ་སྣང་།། ཕྱི་ཡི་སྣང་བ་ཀུན་ཏུ་བཟང་པོ་ལ།། ནང་གི་ངོ་བོ་ཀུན་ཏུ་བཟང་མོ་ཡིན།། དབྱེར་མེད་སྣང་བ་རྡོ་རྗེ་སེམས་དཔའ་ཡིན།། ནང་གི་རིག་པ་དེ་ལྟར་ཤར་བ་ཡིས།། ཕྱི
iiif viewer powered by OpenSeadragon
