| e-texts navigator |
| Wylie |
248b1 དང་།། སྣང་བ་སོ་སོར་སྣང་བའི་ཡུལ་ཉིད་དོ།། བྱུང་དང་འབྱུང་དང་བྱུང་ནས་གནས་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། འཁྲུལ་པའི་ལུས་ལ་སྐུ་གསུམ་རྫོགས་པའི་ལེའུ་སྟེ་ལྔ་པའོ།། །། སྡུད་པའི
248b2 གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཡི་གེ་མེད་ལས་ཡི་གེར་བྱུང་བ་གང་།། བརྒྱུད་པ་མེད་ལས་བརྒྱུད་པར་བྱུང་བ་གང་།། རྟོག་པ་མེད་ལས་རྟོག་པ་བྱུང་བ་གང་།། སྣང་བ
248b3 མེད་ལས་སྣང་བར་བྱུང་བ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཐོག་མ་མེད་པའི་དུས་ཉིད་ནས།། སངས་རྒྱས་སེམས་ཅན་མིང་མེད་པས།། གང་དུ་མ
248b4 གྲུབ་ནམ་མཁའི་ཚུལ་དུ་གནས།། སྣང་ཚུལ་གང་ཡང་མི་དམིགས་པས།། ཡི་གེ་དག་ནི་ཡོད་མིན་པས།། མཚོན་བྱ་མཚོན་བྱེད་ཀུན་ལས་འདས་པ་ན།། མིང་དང་བརྡའ་དོན་འབྲེལ་པ་ཡོད་མ་ཡིན།། ཡི་གེ་མེད་ལས
248b5 ཡི་གེ་བྱུང་བ་ནི།། སྐྱེ་མེད་ཀུན་ཏུ་བཟང་མོ་གྲུབ་པ་ཡིས།། དེ་ཡི་མཚོན་བྱེད་བྱུང་བས་ཡི་གེ་ཨ།། ཨ་དེའི་ངོ་བོ་གསུམ་དང་ལྡན་པ་ལ།། ཨ་དེ་སྐྱེ་བ་མེད་པ་ཀུན་ཏུ་བཟང་མོ་ཡིན།། ཨ་དེ་ཨ་རུ་འབྱུང་བ་ཀུན་ཏུ་བཟང
248b6 པོ་ཡིས།། ཨ་དེ་སྡུད་པར་བྱེད་པ་རྡོ་རྗེ་སེམས་དཔའ་ཡིན།། ཨ་ལས་མིང་བྱུང་མིང་ལས་ཚིག་བྱུང་ནས།། མིང་དོན་མཚོན་པར་བྱེད་པའི་ཡི་གེ་བྱུང་།། རྒྱུ་ཡི་ཡི་གེ་བྱུང་བའི་ཡི་གེ་ཡིན།། འབྱུང་བའི་ཡི་གེ་མིང་དུ་བྱུང
iiif viewer powered by OpenSeadragon
