| e-texts navigator |
| Wylie |
248a1 དཔའོ།། ལྕེ་ཡི་རྣམ་ཤེས་ཀུན་ཏུ་བཟང་མོ་ལ།། དེ་ཡི་ཡུལ་རོ་ཀུན་ཏུ་བཟང་པོ་ཉིད།། ལྕེ་ཡི་དབང་པོ་རྡོ་རྗེ་སེམས་དཔའོ།། ལུས་ཀྱི་རྣམ་ཤེས་ཀུན་ཏུ་བཟང་མོ་ལ།། ཡུལ་དེའི་རེག་བྱ་ཀུན་ཏུ་བཟང་པོ
248a2 ཉིད།། ལུས་ཀྱི་དབང་པོ་རྡོ་རྗེ་སེམས་དཔའོ།། ཡིད་ཀྱི་རྣམ་ཤེས་ཀུན་ཏུ་བཟང་མོ་ལ།། དེ་ཡི་ཡུལ་ཆོས་ཀུན་ཏུ་བཟང་པོ་ཉིད།། ཡིད་ཀྱི་དབང་པོ་རྡོ་རྗེ་སེམས་དཔའོ།། ཕྱི་ཡི་ཡུལ་རྣམས་སྣང་ལ་རང་བཞིན
248a3 མེད།། ནང་གི་ཤེས་པ་གསལ་ལ་རྟོག་པ་མེད།། དབང་པོ་ལྷུག་པ་རིག་ལ་འཛིན་པ་མེད།། ཕྱི་ནང་བཅོས་སུ་མེད་པ་རྫོགས་པ་ཆེན་པོའི་དོན།། དེ་ལྟར་ལྷུན་གྱིས་གྲུབ་པས་བསྒོམ་མེད་བསྒོམ་པའི་དོན།། བྱར་མེད
248a4 བྱས་པ་མེད་པ་བྱུང་བའི་སྤྱོད་པ་ཡིན།། ལུས་ངག་འཁྲུལ་པར་གནས་པ་དེ་ཉིད་ལ།། སྐུ་གསུང་རང་བཞིན་ལྷུན་གྱིས་གྲུབ་པར་རྫོགས།། ལུས་ངག་རིག་ལ་རྣམ་ཤེས་གསུམ་དང་ལྡན།། སྐུ་ཉིད་གསལ་བའི་རྣམ་པར
248a5 ཤེས་པ་དང་།། ཡེ་ཤེས་གསལ་བའི་རྣམ་པར་ཤེས་པ་དང་།། སེམས་ཉིད་གསལ་བའི་རྣམ་པར་ཤེས་པའོ།། དབང་པོ་རྣམ་པ་གསུམ་དང་ལྡན་པ་སྟེ།། རྟེན་མེད་གསལ་བ་ཉིད་ཀྱི་དབང་པོ་དང་།། ཐོགས་མེད་སྟོབས
248a6 དང་ལྡན་པའི་དབང་པོ་དང་།། བག་ཆགས་ལུས་དང་ལྡན་པའི་དབང་པོའོ།། ཡུལ་ནི་རྣམ་པ་གསུམ་དང་ལྡན་པ་སྟེ།། དམིགས་པ་ཀུན་དང་བྲལ་བའི་ཡུལ་ཉིད་དང་།། དམིགས་ཀྱང་འཛིན་པ་མེད་པའི་ལུས་ཉིད
iiif viewer powered by OpenSeadragon
