| e-texts navigator |
| Wylie |
247b1 འབྲས་བུ་འདི་ལས་བྱུང་།། འདི་ལས་མ་རྟོགས་སངས་རྒྱས་མེད་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། རྡོ་རྗེ་སེམས་དཔའི་གནས་ལུགས་བསྟན་པའི་ལེའུ་སྟེ་བཞི་པའོ།། །། སྡུད་པའི་གསང་དབང་རྡོ་རྗེ
247b2 སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། འཁྲུལ་པའི་ལུས་ངག་དག་གི་ངོ་བོ་ལ།། ཀུན་ཏུ་བཟང་མོ་གང་ལ་གནས་པ་ཡིན།། ཀུན་ཏུ་བཟང་པོ་གང་ལ་གནས་པ་ཡིན།། རྡོ་རྗེ་སེམས་དཔའ་གང་ལ
247b3 གནས་པ་ཡིན།། ལུས་གང་དེ་ལ་རྫོགས་མ་རྫོགས་པ་ལགས།། མ་རྫོགས་རྫོགས་པ་ཆེན་པོ་ཇི་ལྟར་ལགས།། དེ་ལ་རྫོགས་ན་རྫོགས་ལུགས་ཇི་ལྟར་ལགས།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི
247b4 གསང་དབང་རྡོ་རྗེ་སེམས་དཔའ་ལ།། ལུས་ངག་དག་ལ་ཀུན་བཟང་ཡབ་ཡུམ་དང་།། རྡོ་རྗེ་སེམས་དཔའ་དངོས་སུ་རྫོགས་པ་སྟེ།། གསལ་བའི་རྣམ་པར་ཤེས་པ་ཀུན་ཏུ་བཟང་མོ་སྟེ།། དེ་ཡི་ཡུལ་དུ་སྣང་བ་ཀུན་ཏུ
247b5 བཟང་པོ་ཉིད།། ཕྱི་ནང་གཉིས་སུ་བསྡུས་ནས་འཛིན་པ་རྡོ་རྗེ་སེམས།། མིག་གི་རྣམ་པར་ཤེས་པ་ཀུན་ཏུ་བཟང་མོ་ལ།། དེ་ཡི་ཡུལ་དུ་སྣང་བ་ཀུན་ཏུ་བཟང་པོ་ཉིད།། མིག་གི་དབང་པོ་རྡོ་རྗེ་སེམས་དཔའོ།། རྣ་བའི
247b6 རྣམ་ཤེས་ཀུན་ཏུ་བཟང་མོ་ལ།། དེ་ཡི་ཡུལ་སྒྲ་ཀུན་ཏུ་བཟང་པོ་ཉིད།། རྣ་བའི་དབང་པོ་རྡོ་རྗེ་སེམས་དཔའོ།། སྣ་ཡི་རྣམ་ཤེས་ཀུན་ཏུ་བཟང་མོ་ལ།། དེ་ཡི་ཡུལ་དྲི་ཀུན་ཏུ་བཟང་པོའོ།། སྣ་ཡི་དབང་པོ་རྡོ་རྗེ་སེམས
iiif viewer powered by OpenSeadragon
