| e-texts navigator |
| Wylie |
246b1 པ།། དེ་ནི་དཔའ་བོ་ཆེན་པོ་ཡིན།། ངོ་བོ་མི་འགྱུར་གནས་པ་ཡིས།། དེ་ལས་བྱུང་བར་འགྱུར་བ་མེད་པར་གནས།། བྱུང་ནས་གནས་པ་སྐུ་ཡི་གནས་ལུགས་ནི།། སེམས་ཀྱི་རང་བཞིན་གང་དུ་མི་འགྱུར་བས།། བྱུང
246b2 དང་འབྱུང་བའི་ཆོས་རྣམས་ཐམས་ཅད་བསྡུས་ནས་གནས།། ངོ་བོ་ཆོས་རྣམས་གསུམ་དང་ལྡན་པ་སྟེ།། ཀུན་ཏུ་བཟང་པོ་རིགས་མེད་ངོ་བོ་དང་ཡང་ལྡན།། ཀུན་ཏུ་བཟང་མོ་སྐྱེ་མེད་ཡེ་ཤེས་དང་ཡང་ལྡན།། དབྱེར
246b3 མེད་གནས་པ་སྡུད་པ་པོ་ཉིད་དེ།། བྱུང་བའི་སྡུད་པ་པོས་ནི་ཀུན་ཏུ་བཟང་པོའི་ཆོས་རྣམས་འགག་མེད་བསྡུས།། འབྱུང་བའི་སྡུད་པ་པོས་ནི་ཀུན་ཏུ་བཟང་མོའི་ཆོས་རྣམས་བསྡུས།། བྱུང་ནས་གནས་པའི་སྡུད་པ་པོས
246b4 ནི་རང་བཞིན་གཅིག་པར་དབྱེར་མེད་སྡུད་པའོ།། རྡོ་རྗེ་སེམས་པ་དཔའ་བོའི་སྣང་ཚུལ་ནི།། གཞི་ཉིད་ཅིར་ཡང་ངེས་པ་མེད་པ་ཡིས།། ཕྱི་ཉིད་དག་པས་ནམ་མཁའ་ལྟ་བུར་སྣང་།། ནང་ཉིད་དག་པས་ཡེ་ཤེས་ལྟ་བུར
246b5 སྣང་། དབྱེར་མེད་དག་པས་ཕྱི་ནང་གཅིག་པར་སྣང་།། ཕྱོགས་ལྷུང་མེད་པས་གང་ལྟར་འདོད་པར་སྣང་།། ཐམས་ཅད་ང་ཡི་སྣང་བ་ཡིན།། ཕྱི་ནང་གསང་བ་ང་ཡིས་བསྡུས།། ང་ལས་མ་བྱུང་སྣང་བ་ནི།། རྡུལ་ཙམ
246b6 དག་ནི་ཡོད་པ་མིན།། གང་ལྟར་སྣང་ཡང་རྡོ་རྗེ་སེམས་དཔའོ།། དབྱེར་མེད་ཇི་ལྟར་གནས་དཔེ་ནི།། ཀུན་ཏུ་བཟང་པོ་སྣ་ཚོགས་སྣང་བ་དང་།། ཀུན་ཏུ་བཟང་མོ་སྐྱེ་འགག་མེད་པ་དེ།། དབྱེར་མེད་སྡུད་པ་པོ་ཡིས།
iiif viewer powered by OpenSeadragon
