| e-texts navigator |
| Wylie |
246a1 མེད་ནམ་མཁའ་སྙིང་པོའི་ཀློང་།། སྤང་ཐོབ་མེད་པའི་འབྲས་བུ་འདི།། ཡེ་ཤེས་དཀྱིལ་འཁོར་ཐིག་ལེའི་ཐུགས།། སྣ་ཚོགས་ཐམས་ཅད་ཐུགས་ལས་བྱུང་།། ཀུན་གྱི་རང་བཞིན་བྱེད་པའོ།། རིན་པོ་ཆེ
246a2 རྒྱས་པ་ཆེན་པོའི་རྒྱུད་ལས། ཀུན་ཏུ་བཟང་མོའི་རང་བཞིན་བསྟན་པའི་ལེའུ་སྟེ་གསུམ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། སྲས་མཆོག་སྡུད
246a3 པའི་གནས་ལུགས་དང་།། ངོ་བོ་ཆོས་རྣམས་དུ་དང་ལྡན་པ་དང་།། སྣང་ཚུལ་ཇི་ལྟར་སྣང་བ་དང་།། དབྱེར་མེད་ཇི་ལྟར་གནས་པ་དང་།། སྐུ་གསུང་ཐུགས་དང་གང་ལྡན་ལགས།། སྟོན་པའི་སྟོན་པ་ཀུན་ཏུ་བཟང་པོ
246a4 དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། བྱུང་བའི་གནས་ལུགས་འབྱུང་བའི་གནས་ལུགས་དང་།། བྱུང་ནས་གནས་པའི་གནས་ལུགས་རྣམ་གསུམ་སྟེ།། གཞི་ཡི་རྡོ་རྗེ་སེམས་དཔའི་གནས་ལུགས
246a5 དེ།། བྱུང་བ་གཞི་ཡི་སྐུ་ཡི་གནས་ལུགས་ནི།། ཐོག་མ་མེད་པའི་དུས་ཉིད་ནས།། སངས་རྒྱས་སེམས་ཅན་མིང་མེད་དེ།། གཞི་ཉིད་གང་དུ་མ་གྱུར་པས།། གང་དུ་ཡང་ནི་མ་བཅོས་པའོ།། གང་དུ་ཡང་ནི་མ་བཅོས
246a6 པས།། ཆོས་རྣམས་ཐམས་ཅད་བསྡུས་པའོ།། འབྱུང་བའི་སྐུ་ཡི་གནས་ལུགས་ནི།། མི་འགྱུར་བ་ཡི་རྡོ་རྗེ་སྟེ།། ནམ་མཁའ་ཆེན་པོ་དེ་ཉིད་ཡིན།། ཕྱི་ནང་དབྱེར་མེད་གནས་པས་སེམས།། གང་གིས་གོས་པར་མ་གྱུར
iiif viewer powered by OpenSeadragon
