| e-texts navigator |
| Wylie |
245b1 མེད་འགག་མེད་ཡེ་ནས་རང་བྱུང་དག། སྐྱེ་མེད་ཀུན་ཏུ་བཟང་མོ་སྐུ་ཡི་སྣང་ཚུལ་ནི།། རང་བྱུང་འདུས་མ་བྱས་པ་ཡིས།། རྒྱུ་འབྲས་གཉེན་པོ་ཡོད་མ་ཡིན།། ངོ་བོ་དབྱིངས་འགག་མེད་པ་ཡིས།། སྐུ་དང་ཡེ་ཤེས་སྣ
245b2 ཚོགས་སྣང་།། རྩལ་ཉིད་དུ་མར་ཤར་བ་ཡིས།། རིགས་རྣམས་སྦྲུལ་སྐུ་སོ་སོར་སྣང་།། ངོ་བོ་གོས་པ་མེད་པ་ཡིས།། གང་ལྟར་བྱས་ཀྱང་གོས་པ་མེད།། སྐུ་ཡི་རང་བཞིན་དེ་དག་ལས།། གང་ལྟར་བརྟགས་པ་ཉིད་དུ
245b3 ཤར།། དུས་མཐའ་མེད་པར་ཡེ་ནས་གནས།། འཕོ་འགྱུར་མེད་པར་ལྷུན་གྱིས་གྲུབ།། དཀྱིལ་འཁོར་སྣ་ཚོགས་འཆར་བའོ།། སྐྱེ་མེད་ཀུན་ཏུ་བཟང་མོའི་གསུང་གི་རང་བཞིན་ནི།། ཁྱབ་པའི་གསུང་ནི་ནམ་མཁའ་ལྟ
245b4 བུ་སྟེ།། མ་བཅོས་རང་བྱུང་ནམ་མཁའ་ལྟ་བུ་ཉིད།། ཡོངས་ལ་ཁྱབ་པས་ནམ་མཁའ་ལྟ་བུའི་གསུང་།། གོས་པ་མེད་པས་ནམ་མཁའ་ལྟ་བུའི་གསུང་།། བཅོས་སུ་མེད་པ་ནམ་མཁའ་ལྟ་བུ་ཡིས།། འགག་པ་མེད་པས
245b5 ནམ་མཁའ་ལྟ་བུའི་གསུང་།། དབྱིངས་ལས་སྒྲ་བྱུང་སྐྱེ་བ་མེད་པའི་གསུང་།། གསུང་མཆོག་འདི་ནི་སྐྱེ་བ་མེད་པའི་གསུང་།། བདག་མེད་སྟོང་པ་བདེ་བ་སེང་གེའི་སྒྲ།། ཀུན་གྱི་རང་བཞིན་བྱེད་པ་མེད་པའོ།། སྐྱེ་མེད
245b6 ཀུན་ཏུ་བཟང་མོ་ཐུགས་ཀྱི་རང་བཞིན་ནི།། དབྱིངས་ཀྱི་སྙིང་པོ་ཀུན་མཁྱེན་པས།། རྟོག་མེད་མཉམ་ཉིད་བདེ་ཆེན་ཐུགས།། འདུ་འབྲལ་མེད་པའི་རང་བཞིན་ཀློང་།། རབ་བྱུང་མ་བཅོས་སྙིང་པོའི་ཐུགས།། མཐའ
iiif viewer powered by OpenSeadragon
