| e-texts navigator |
| Wylie |
245a1 དབྱིངས་སུ་ཤར་བ་ཡིས།། གང་ལྟར་འདོད་པ་བཞིན་དུ་སྣང་།། སངས་རྒྱས་རྣམས་ནི་ཡེ་ཤེས་སྐྱེ།། བྱང་སེམས་རྣམས་ནི་སྒྲ་ལུས་སྤང་།། འཕགས་པ་རྣམས་ནི་ཏིང་འཛིན་སྐྱེ།། རང་རྒྱལ་རྣམས་ནི་འགྲོ
245a2 དོན་མཛད།། ཉན་ཐོས་རྣམས་ཀྱང་ཐར་ལམ་སྤང་།། སངས་རྒྱས་རྣམས་ཀྱི་སྐུ་རུ་གནས།། ལམ་ལ་གནས་དང་ལམ་ཡང་ཐོབ།། ཞི་དང་ཁྲོ་ལ་སོགས་པ་ཡིས།། དཀྱིལ་འཁོར་མ་ལུས་སྣ་ཚོགས་འཆང་།། ཆོས་སྐུ
245a3 ལོངས་སྐུ་སྤྲུལ་པའི་སྐུ།། གང་ལྟར་བཞིན་དུ་འཆར་བའོ།། སྐྱེ་མེད་ཀུན་ཏུ་བཟང་མོའི་མཚོན་དཔེ་ནི།། སྐྱེ་མེད་མཚོན་པའི་དཔེ་ལས་འདས་པ་སྟེ།། བརྡའ་ཙམ་དག་གིས་མཚོན་པར་བྱ་བ་ནི།། ནམ་མཁའ་ཀུན་ལས
245a4 གྲོལ་བ་ཆོས་ཉིད་ནམ་མཁའ་ནི།། ཀུན་ཡང་འཆར་དུ་རུང་སྟེ་ཀུན་གྱིས་གོས་པ་མེད།། ཐམས་ཅད་ཐམས་ཅད་འཆར་བའི་དཔལ།། ནམ་མཁའ་ཆེན་པོའི་ཚུལ་དུ་གནས་པའོ།། སྐྱེ་མེད་ཀུན་ཏུ་བཟང་མོའི་རིགས
245a5 རྣམས་ནི།། སྐྱེ་མེད་དེ་ལ་བདེ་གཤེགས་གཟུགས་བརྙན་ཤར།། བདེ་གཤེགས་རྒྱལ་བ་དུ་མ་སོ་སོར་སྣང་།། སྣང་བའི་དུས་ན་རང་བཞིན་སྐྱེ་བ་མེད།། རང་བྱུང་ཡེ་ཤེས་རིག་གསལ་སྐྱེ་མེད་དུ།། ཆོས་ཀྱི་དབྱིངས་ཀྱི
245a6 རང་བཞིན་སོ་སོར་གསལ།། གསལ་ཙམ་ཉིད་ན་ཡེ་ཤེས་སྐྱེ་བ་མེད།། སེམས་ཉིད་སྟོང་པ་རང་གསལ་སྐྱེ་མེད་དུ།། འགྲོ་དྲུག་རྣམས་ཀྱི་བག་ཆགས་སོ་སོར་གསལ།། གསལ་ཙམ་ཉིད་ན་སེམས་ཉིད་སྐྱེ་བ་མེད།། སྐྱེ
iiif viewer powered by OpenSeadragon
