| e-texts navigator |
| Wylie |
244b1 བཟང་མོའི་གནས་ལུགས་ནི།། གཞི་ལ་སྐྱེ་བ་མེད་པ་ཀུན་ཏུ་བཟང་མོ་ནི།། སྐྱེ་བ་མེད་པར་ལྡན་པའི་ཆོས་བདུན་ཏེ།། རང་བཞིན་སྐྱེ་བ་མེད་པར་གནས་པས་ངོ་བོ་སྐྱེ་མེད་འབྱུང་།། རང་བཞིན་འབྱུང་བ་མེད་པས་སྙིང
244b2 པོ་ཅིར་ཡང་འཆར།། རང་བཞིན་འགག་པ་མེད་པས་སྣ་ཚོགས་ཅིར་ཡང་གསལ།། ཐོག་མཐའ་མེད་པར་རང་བཞིན་ལྷུན་གྱིས་གྲུབ།། གཞི་ཉིད་དག་པས་ངོ་བོ་དག་པ་བྱུང་།། རྩལ་ཉིད་དག་པས་སྐྱེ་མེད་ཡོངས་སུ
244b3 དག། ཡེ་ནས་སྟོང་པས་སྙིང་པོ་གསལ་སྟོང་འབྱུང་། ཀུན་ནི་ཁྱབ་པ་ཡིན་པ་སྟེ། སྐྱེ་མེད་སྟོང་པས་ཀུན་ལ་ཁྱབ། འཁོར་བའི་དུས་ན་སྟོང་པ་ལ། མྱང་འདས་དུས་ན་སྟོང་པ་ཉིད། ཏུ་ནི་འགག་པ་མེད་པ་ཡིན། ངོ་བོ
244b4 འགག་པ་མེད་པ་ཡིས། ཐམས་ཅད་འབྱུང་བའི་གཞི་ཡང་བྱས། བཟང་ནི་གོས་པ་མེད་ཅིང་འཕེལ་འགྲིབ་མེད།། ཐོག་མ་ཐ་མ་མེད་པར་བཟང་།། མོ་ནི་སྐྱེད་པར་བྱེད་པས་ཏེ།། དབྱིངས་ལས་ཡེ་ཤེས་སྐྱེད་པར
244b5 བྱེད།། སྐྱེ་མེད་ཀུན་ཏུ་བཟང་མོའི་ངོ་བོ་ནི།། ལྷུན་གྲུབ་སྐྱེ་བ་མེད་པ་དེ་ཉིད་ལས།། ཆོས་ཀྱི་སྐུ་ཉིད་སྐྱེ་བ་མེད་པ་བྱུང་།། ཆོས་སྐུ་སྐྱེ་མེད་རིགས་མེད་དེ་ཉིད་ལས།། རང་བྱུང་ཡེ་ཤེས་རིག་པ་མི་རྟོག་བྱུང་།། ཡེ་ཤེས
244b6 རིག་གསལ་སྟོང་པ་ཆེན་པོ་ལས།། སེམས་ཀྱི་སེམས་ཉིད་སྟོང་པ་ཆེན་པོ་བྱུང་།། རང་བྱུང་མ་བཅོས་ངོ་བོ་ཉིད་ཀྱི་སྐུ།། ཀུན་ལས་འགྲོ་བས་ཀུན་ཏུ་བཟང་མོ་ཉིད།། སྐྱེ་མེད་ཀུན་ཏུ་བཟང་མོའི་སྣང་ཚུལ་ནི།། སྐྱེ་མེད
iiif viewer powered by OpenSeadragon
