| e-texts navigator |
| Wylie |
244a1 འགྲོ་བའི་དཔལ།། ཡེ་ཤེས་དབྱིངས་ལས་མ་གཡོས་པར།། སོ་སོའི་ཏིང་འཛིན་སྣ་ཚོགས་གསལ།། རྟོགས་ཏེ་བལྟ་རུ་ཡོད་པ་མིན།། སྣང་སྟེ་བསྒོམ་དུ་ཡོད་པ་མིན།། ཤེས་ནས་སྤྱད་དུ་ཡོད་པ
244a2 མིན།། རང་ལས་བྱུང་ཞིང་རང་ལས་ཞི།། འབྲས་བུ་རང་བྱུང་རང་ཞིའོ།། ཀུན་བཟང་ཐུགས་ཀྱི་རང་བཞིན་ནོ།། སངས་རྒྱས་ཐམས་ཅད་ང་ལས་བྱུང་།། ཡེ་ཤེས་ཐམས་ཅད་ང་ལས་བསྐྱེད།། ང་མེད་ང་ཡི་སྔོན་རོལ
244a3 ནས།། ང་ཡང་ང་མེད་པ་ཉིད་ངའོ།། ང་ནི་མེ་ལོང་བཞིན་སྣང་བས།། སྒེག་མོས་བལྟས་ན་མཐོང་བའོ།། ཐུགས་ལས་ཐུགས་བྱུང་ཐུགས་སྣང་བའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས།། ཀུན་ཏུ་བཟང་པོའི་རང
244a4 བཞིན་བསྟན་པའི་ལེའུ་སྟེ་གཉིས་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཀུན་ཏུ་བཟང་མོའི་གནས་ལུགས་དང་།། ཀུན་ཏུ་བཟང་མོའི་ངོ་བོ
244a5 དང་།། ཀུན་ཏུ་བཟང་མོའི་སྣང་ཚུལ་དང་།། ཀུན་ཏུ་བཟང་མོ་དཔེ་ཡིས་མཚོན་བྱེད་དང་།། ཀུན་ཏུ་བཟང་མོའི་རིགས་རྣམས་དང་།། ཀུན་ཏུ་བཟང་མོའི་སྐུ་ཡི་སྣང་ལུགས་དང་།། ཀུན་ཏུ་བཟང་མོའི་ཐུགས་ཀྱི་སྣང
244a6 ལུགས་དང་།། ཀུན་ཏུ་བཟང་མོའི་ཐུགས་ཀྱི་སྣང་ཚུལ་དང་།། དེ་རྣམས་གཅིག་ལས་ཐ་དད་སྣང་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། སྐྱེ་མེད་ཀུན་ཏུ
iiif viewer powered by OpenSeadragon
