| e-texts navigator |
| Wylie |
243b1 འབྱུང་།། དབྱིངས་ཀྱི་གསུང་ལས་མ་འདས་ཀྱང་།། ཉོན་མོངས་བརྒྱད་ཁྲི་བཞི་སྟོང་ལ།། འདུལ་བའི་གཉེན་པོ་བརྒྱད་ཁྲི་དང་།། བཞི་སྟོང་དེ་དག་འབྱུང་བ་ཡིན།། གང་ལ་གང་འདུལ་དེ་ལ་དེར་སྟོན་པ།། བརྗོད་དུ
243b2 མེད་པ་བརྗོད་པ་ཆེན་པོའི་མཆོག། མིང་ཚིག་ཡི་གེ་ཀུན་ལས་འདས།། སྒྲ་ལས་རྒྱལ་བའི་གསུང་མཆོག་སྟེ།། ངག་ཏུ་བརྗོད་པ་གསུང་མ་ཡིན།། ཚིག་ཏུ་སྣང་བ་དངོས་མ་ཡིན།། བརྗོད་ཅེས་གསུངས་པ་དོན་མ
243b3 ཡིན།། འཁོར་རྣམས་སོ་སོའི་སྣང་བ་ལས།། བརྗོད་པའི་རྒྱུ་དང་བརྗོད་པའི་ཡུལ།། ཐ་དད་ང་ཡིས་མ་བརྗོད་ཀྱང་།། རྒྱལ་བའི་སྲས་པོ་ཅང་མི་གསུང་།། མ་གསུངས་པས་ནི་རྒྱ་ཆེར་བཤད།། སྨྲས་པའི་དོན་རྣམས
243b4 ཡོད་མ་མཐོང་།། རང་བྱུང་རང་ཞིའི་གསུང་ཉིད་དོ།། སྙིང་པོ་སྤྲོས་བྲལ་གསུང་ཉིད་ཀྱིས།། ཐམས་ཅད་དེ་བཞིན་ཉིད་དུ་གསལ།། གད་ལ་ཁྱབ་རིག་པའི་གསུང་ཉིད་ཀྱིས།། རིག་པ་བརྗོད་དུ་མེད་པའི
243b5 གསུང་།། གསལ་ལ་རྟོག་མེད་གསུང་ཉིད་ཀྱིས།། དབྱེར་མེད་བྱང་ཆུབ་སེམས་སུ་གསལ།། མཚོན་བྱ་བརྡའ་དོན་གསུང་ཉིད་ཀྱིས།། སྒྲ་མིང་ལ་བརྟེན་དོན་དུ་གསལ།། གསུང་ལས་གསུང་བྱུང་གསུང་སྣང
243b6 བའོ།། ཀུན་ཏུ་བཟང་པོ་ཐུགས་ཀྱི་སྣང་ཚུལ་ནི།། རང་བྱུང་གདོད་ནས་དག་པ་ཡི།། ཡེ་ཤེས་ཡེ་ཤེས་ལས་བྱུང་བས།། དུས་གསུམ་འབྲལ་བ་མེད་པའི་ངང་།། མི་སྐྱེ་མི་འབྲལ་ནམ་མཁའི་ཐུགས།། ཐུགས་རྗེ་མ་གཡོས
iiif viewer powered by OpenSeadragon
