| e-texts navigator |
| Wylie |
243a1 ཡིན།། སྐྱེ་མེད་རྣམ་དག་ཆོས་ཀྱི་དབྱིངས་ཉིད་ལས།། སྐྱེ་བའི་ཆོ་འཕྲུལ་སྣ་ཚོགས་ཅིར་ཡང་སྣང་།། ཐུགས་རྗེ་ཐབས་མཁས་རོལ་པ་ཅིར་ཡང་འཆར།། སྟོང་དང་སྐྱེ་བར་སྣང་བ་དབྱེར་མེད
243a2 པས།། མཐའ་རྣམས་ཀུན་ལས་འདས་པས་འདི་ཞེས་བརྗོད་དུ་མེད།། ཡེ་ནས་ང་ནི་དག་པའི་སྐུ།། ཀུན་ཏུ་བཟང་ཞེས་བྱ་བ་ནི།། ཐམས་ཅད་ཀུན་གྱི་སྐུ་ཡིན་པས།། ཡེ་ནས་ང་ནི་རྒྱལ་བའི་སྐུ།། ཡེ་ནས་ང་ནི་བྱང
243a3 སེམས་སྐུ།། ཡེ་ནས་ང་ནི་འཕགས་པའི་སྐུ།། ཡེ་ནས་ང་ནི་དགྲ་བཅོམ་སྐུ།། ཀུན་ཏུ་བཟང་པོ་མཉམ་པའི་ངང་།། མི་འགྱུར་བདེ་བ་གཡུང་དྲུང་སྐུ།། ཐིག་ལེ་ཉག་གཅིག་སྤྲོས་མེད་སྐུ།། ཐབས་མཁས་ཅིར་ཡང་འཆར
243a4 བའི་སྐུ།། སྣ་ཚོགས་རང་སྣང་ཆེན་པོ་ཡིས།། ཡེ་འབྱམས་ཆེན་པོའི་བདག་ཉིད་དེ།། རང་བྱུང་འཆར་བའི་སྐུ་ཉིད་ལས།། སྐུ་ལས་སྐུ་འབྱུང་སྐུ་སྣང་བའོ།། ཀུན་ཏུ་བཟང་པོའི་གསུང་གི་སྣང་ཚུལ་ནི།། ལོག་རྟོགས་ཉོན
243a5 མོངས་སྤངས་པ་ཡིས།། གསུང་མཆོག་འདི་ནི་གྲུབ་པ་མེད།། ངེས་པའི་དོན་གྱི་སྙིང་པོ་ལས།། རང་བྱུང་རང་ཞི་རང་སྒྲ་ཡིས།། ཡེ་ཤེས་རང་བྱུང་རང་སྒྲ་ཡིན།། ཡེ་ཤེས་འགག་མེད་སྙིང་པོའི་གསུང་།། མ་བཙལ་མ
243a6 བསྒྲུབས་རང་བྱུང་སྒྲ།། བདེ་སྟོང་རིག་སྟོང་གསལ་སྟོང་སྒྲ།། ཀུན་ཁྱབ་གོས་པ་མེད་པའི་སྒྲ།། གསུང་གཅིག་སྒྲ་ཡིས་ཐམས་ཅད་གོ། རྟོག་མེད་སྒྲ་ཆེན་འབྱམས་པའི་གསུང་།། དུས་གསུམ་རྒྱུན་མི་འཆད་པར
iiif viewer powered by OpenSeadragon
