| e-texts navigator |
| Wylie |
242b1 དག་གིས་ཕྱོགས་གཅིག་མཚོན་པས་ན།། འདུས་མ་བྱས་པའི་ནམ་མཁའ་ཆེན་པོ་དེ།། ཐོགས་པར་བྱེད་པའི་རེག་བྱ་ཀུན་དང་བྲལ།། ནམ་མཁའ་དེ་ལ་གནས་ཀྱང་ཐམས་ཅད་གནས།། ནམ་མཁའ་དེ་ལས་བྱུང
242b2 ཡང་ཐམས་ཅད་བྱུང་།། རང་བྱུང་རང་ཞི་ནམ་མཁའ་དེ་འདྲ་ལ།། ལྷུན་གྲུབ་ཀུན་བཟང་དང་མཚུངས་ཞེས་བྱའོ།། ཀུན་ཏུ་བཟང་པོའི་རིགས་རྣམས་དབྱེ་བ་ནི།། རིས་མེད་ཀུན་ལ་དེ་བཞིན་ཁྱབ་པའོ།། ཡེ་ཤེས་ཀུན་ཏུ
242b3 བཟང་པོ་ནི།། རང་རིག་རང་གསལ་གད་ལ་ཁྱབ་དབྱེར་མེད་ཀུན་ཏུ་བཟང་པོ་ནི།། ལྷུན་གྲུབ་སྙིང་པོ་དེ་ཉིད་དོ།། སེམས་ཉིད་ཀུན་ཏུ་བཟང་པོ་ནི།། གསལ་ལ་རྟོག་པ་མེད་པའོ།། ཡིད་ཀྱི་ཀུན་ཏུ་བཟང་པོ་ནི།། ཐམས
242b4 ཅད་བྱ་བ་བྱེད་པའོ།། ཀུན་ཏུ་བཟང་པོའི་སྐུ་ཡི་རང་བཞིན་ནི།། གྱུར་བ་མེད་པ་སྙིང་པོ་ངེས་པའི་ཀློང་།། གོས་པ་མེད་པ་བདེ་བ་ཆེན་པོའི་ངང་།། ཡོངས་ལ་ཁྱབ་པ་འདུ་འབྲལ་མེད་པ་ཉིད།། འཕེལ་འགྲིབ་མེད
242b5 པ་ཐམས་ཅད་འབྱུང་བའི་གཞི།། ཀུན་ལ་ཡོད་ཀྱང་དེ་ཉིད་གཟུགས་མ་ཡིན།། རིས་མེད་འདུས་མ་བྱས་པས་མཚོན་དུ་མེད་པ་སྟེ།། ཞི་འགག་མེད་པས་ཐམས་ཅད་འབྱུང་བ་སྟེ།། གོས་པ་མེད་པས་རང་བཞིན་དག
242b6 པའི་སྐུ།། དེ་བཞིན་ཐོགས་པ་མེད་པས་གང་ལྟར་བརྟགས་པར་སྣང་།། དངོས་པོ་སྒྱུ་མར་མེད་པས་ཐམས་ཅད་ཀུན་བཟང་ཉིད།། གོང་ལྟར་མཐོང་བརྟགས་དེ་ཉིད་དག་པ་ལ།། དེ་ལས་གཞན་ཞིག་སྣང་བ་ཡོད་མ
iiif viewer powered by OpenSeadragon
