| e-texts navigator |
| Wylie |
242a1 སྒྲ།། བལྟས་ན་སྣང་སྟེ་བརྟགས་ན་སྟོང་།། སྒྱུ་མས་སྒྱུ་མའི་དོན་ཡང་བྱེད།། མ་གཡོས་རང་སྣང་དེ་ཁོ་ན།། སྟོང་པ་སྙིང་པོའི་དོན་ཉིད་མཚོན།། སྒྱུ་མ་དངོས་སུ་མ་གྲུབ་པས།། མེད་པས་འགག་པ་དངོས
242a2 མ་ཡིན།། མི་རྟོག་ཡེ་ཤེས་ཆེན་པོ་དེས།། ཟག་མེད་སྒྱུ་མའི་སྐུ་ལ་བརྟེན།། ཡོན་ཏན་མ་འགགས་མཚན་དཔེར་སྣང་།། ཆགས་པ་མེད་ཅིང་ཐོགས་པ་མེད།། ཡེ་ཤེས་མཐའ་གཏིང་མེད་པར་གསལ།། མཐའ་དབུས
242a3 མེད་པ་ཀུན་གྱི་དབྱིངས།། རང་བཞིན་མེད་པ་ཐམས་ཅད་ཆུབ།། རྟོགས་པའི་སྒྲ་བསམ་ཡུལ་ལས་འདས།། སངས་རྒྱས་སྐུ་སྟེ་རང་བྱུང་མཆོག། ཀུན་ཏུ་བཟང་པོ་ཉིད་ཀྱི་སྣང་ཚུལ་ནི།། གང་ཞིག་ང་ལ་གཟུགས་སུ
242a4 མཐོང་།། གང་དག་ང་སྒྲར་འཛིན་པར་ན།། དངོས་པོ་རྫས་སུ་འདོད་པ་རྣམས།། ལོག་པར་རྟོག་པའི་སྤྱོད་ཡུལ་ཏེ།། དམ་པའི་དོན་ལ་དེ་ཉིད་མེད།། མཐོང་ངོ་ཞེས་ནི་འཁྲུལ་པའི་སྐུ།། དྲན་ནོ་ཞེས་ནི་རྟོག
242a5 པའི་ཐུགས།། སྒྱུ་མའི་སྐུ་ནི་མེད་པས་སྟོང་།། སྙིང་པོའི་སྐུ་ནི་ཅིར་ཡང་འཆར།། བསམ་དུ་མེད་པས་རྟོགས་པ་དཀའ།། བཙལ་དུ་མེད་དེ་ཡེ་ནས་གནས།། སྤང་ཐོབ་མེད་པའི་འབྲས་བུ་ཉིད།། ཚེའོ་རང་བྱུང་གདོད
242a6 ནས་ཆེ།། སངས་རྒྱས་མ་ཡིན་སེམས་ཅན་མིན།། འབྲས་བུ་མ་ཡིན་ལམ་མ་ཡིན།། ངོ་བོ་ཉིད་དེ་རང་བྱུང་སྐུ།། ཀུན་ཏུ་བཟང་པོའི་མཚོན་བྱ་ནི།། མིང་ཚིག་ཡུལ་ལས་འདས་པས་མཚོན་དུ་མེད་པས་ན།། བརྡའ་ཙམ
iiif viewer powered by OpenSeadragon
