| e-texts navigator |
| Wylie |
241b1 དང་།། ཀུན་ཏུ་བཟང་པོའི་ངོ་བོ་དང་།། ཀུན་ཏུ་བཟང་པོ་ཉིད་ཀྱི་སྣང་ཚུལ་དང་།། ཀུན་ཏུ་བཟང་པོ་དཔེ་ཡིས་མཚོན་བྱེད་དང་།། ཀུན་ཏུ་བཟང་པོའི་རིགས་རྣམས་དབྱེ་བ་དང་།། ཀུན་ཏུ་བཟང་པོའི་སྐུ་ཡི་སྣང་ཚུལ
241b2 དང་།། ཀུན་ཏུ་བཟང་པོའི་གསུང་གི་སྣང་ཚུལ་དང་།། ཀུན་ཏུ་བཟང་པོའི་ཐུགས་ཀྱི་སྣང་ཚུལ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཀུན་ཏུ་བཟང་པོ་ང་ཡི
241b3 གནས་ལུགས་ནི།། བཅོམ་ལྡན་ང་ཡི་དོན་ཆེ་བས།། ཐོག་མ་ཐ་མ་མེད་ནས་རང་བཞིན་ལྷུན་གྱིས་གྲུབ།། དུས་གསུམ་དབྱེ་བ་མེད་པས་སྙིང་པོའི་ངང་དུ་གཅིག། རང་བཞིན་ཡོངས་ལ་ཁྱབ་པས་ཐམས་ཅད་ཀུན་ཏུ
241b4 བཟང་།། དབྱེར་མེད་མཉམ་པར་གནས་པས་འཕེལ་འགྲིབ་ཀུན་ལས་འདས།། ཀུན་ཏུ་བཟང་པོ་ཉིད་ཀྱི་ངོ་བོ་ནི།། དགེ་དང་མི་དགེ་དག་ལས་དེ་ཉིད་གྲུབ་པ་མེད།། ལས་དང་སྨོན་ལམ་དག་གིས་རྐྱེན་མ་བྱས།། རང
241b5 བྱུང་ངང་ཞི་འདུས་མ་བྱས་པ་ཡིས།། ཟག་མེད་ཕུང་པོ་རང་བྱུང་ཡེ་ཤེས་ལྔ།། ཡོད་པ་མ་ཡིན་དེ་ནི་མེད་པ་མིན།། སྣང་བ་མ་ཡིན་དེ་ནི་སྟོང་མ་ཡིན།། ང་ཉིད་གང་དུ་མ་གྲུབ་པས།། སྣ་ཚོགས་ཐམས་ཅད་དེ་ཉིད་ང་ཡི
241b6 དང་།། ཀུན་འབྱུང་ཡོན་ཏན་རིན་ཆེན་སྐུ།། དབུ་མ་གཉིས་སུ་ཡོད་མ་ཡིན།། ཡོད་དེ་ཡེ་ཤེས་ཆེན་པོའི་སྐུ།། མེད་དེ་ནམ་མཁའ་དག་པའི་ངང་།། དངོས་དང་དངོས་པོ་མ་ཡིན་པས།། རང་བཞིན་སྒྱུ་མ་ལྟ་བུའི
iiif viewer powered by OpenSeadragon
