| e-texts navigator |
| Wylie |
23b1 ལངས།། སྣང་མེད་སྙིང་པོ་མཆོག་གི་སྐུ།། འབྲས་བུ་ཀུན་གྱི་ལམ་གྱུར་པ།། སྟོན་པ་རྡོ་རྗེ་ཀུན་གྱི་ཐུགས།། མཚོན་དུ་མེད་པས་རྒྱལ་བའི་ལམ།། བྱར་མེད་སྒྲོས་སྤངས་ཐིག་ལེ་ལ།། མི་རྟོག་བཏང་སྙོམས་མཉམ་པར
23b2 བཞག། སྣང་བ་མེད་པའི་ཆོས་ཉིད་ལ།། མ་བཙལ་བཞག་ན་བསྒོམ་པ་ཡིན།། གཞན་ལ་བསྟན་དུ་མེད་པའི་ཕྱིར།། རང་རིག་རང་བྱུང་རང་ཞིར་བཞག། མི་ཆགས་མི་རྟོག་མི་གནས་པས།། ཏིང་འཛིན་རོ་ལ་ཆགས་མི
23b3 བྱ།། དངོས་མེད་མིང་ཡང་མེད་པས་ན།། ཡི་གེས་བསྟན་ཅིང་མཚོན་དུ་མེད།། སྟོང་ཉིད་སྤྲོས་མེད་གཞི་གནས་ལ།། འདུ་ཤེས་མེད་པར་མཉམ་བཞག་ལ།། ཞི་གནས་ལྷག་མཐོང་འབྲེལ་བའོ།། མོས་པ་སྤྱོད་པའི་ས
23b4 ལ་གནས།། མི་རྟོག་པ་ཡི་ཤེས་རབ་སྟེ།། བསླབ་པ་གསུམ་དང་རྣམ་ལྡན་པའོ།། ཟག་པ་མེད་པའི་ཕུང་པོར་ལྡན།། ཆོས་ཀྱི་དབྱིངས་ཀྱི་རང་བཞིན་ནི།། མཚོན་ཅིང་དཔག་ཏུ་མེད་པ་སྟེ།། གསང་བ་དམ་པ་འདི་ལྟ།
23b5 བུས།། མཉམ་པར་བཞག་སྟེ་བསྒྲུབ་པར་བྱ།། རང་བཞིན་ཉིད་ནི་ནམ་མཁའ་སྟེ།། ཀུན་གྱི་རྗེས་སུ་སོང་བའོ།། དེ་ནི་རྡོ་རྗེའི་སྐུ་མཆོག་སྟེ།། སེམས་དཔའ་ཉིད་ཀྱང་ནམ་མཁའོ།། ནམ་མཁའ་ནམ་མཁའ་ལས་བྱུང
23b6 བས།། ནམ་མཁའ་རྟོགས་པ་སྐྱེ་མེད་ཅིང་།། ནམ་མཁའ་འདི་ནི་ནམ་མཁའ་བསྒོམ།། སྤྱི་དང་འཇིག་རྟེན་ནམ་མཁའ་དང་།། ནང་དང་ཕྱི་ཡི་ནམ་མཁའ་དང་།། ལུས་དང་ཤེས་པའི་ནམ་མཁའོ།། ནམ་མཁའ་ཉིད་ནི
iiif viewer powered by OpenSeadragon
