| e-texts navigator |
| Wylie |
239b1 པ་ཀུན་ལས་ཁྱད་པར་འཕགས།། འཁོར་དེ་མངོན་པར་ཆེ་བར་བཤད།། སྟོན་པའི་ལྟ་བ་རྫོགས་ཆེན་འདི།། ཆོས་རྣམས་ཀུན་གྱི་སྙིང་པོ་སྟེ།། ཐམས་ཅད་འབྱུང་བའི་རང་བཞིན་གྱིས།། ཐེག་པ་ཀུན་ལས་ཁྱད་པར
239b2 འཕགས།། བསྟན་པ་མངོན་པར་ཆེ་བར་བཤད།། དུས་ནི་དུས་གསུམ་གཅིག་པའི་ངང་།། དུས་ནི་སྔ་ཕྱི་མེད་པས་ན།། གཅིག་ཏུ་གནས་པའི་རང་བཞིན་གྱིས།། སྔ་ཕྱི་ཀུན་ལས་ཁྱད་པར་འཕགས།། དུས་དེ་མངོན
239b3 པར་ཆེ་བར་བཤད།། ཡངས་པ་ཆོས་དབྱིངས་གསང་བདག་གནས།། ཐམས་ཅད་འདུས་པའི་གནས་ཆེན་འདི།། མཐའ་དབུས་མེད་པའི་རང་བཞིན་གྱིས།། བཞུགས་གནས་ཀུན་ལས་ཁྱད་པར་འཕགས།། གནས་དེ
239b4 མངོན་པར་ཆེ་བར་བཤད།། རྒྱུད་ཀུན་གྱི་ནི་བདག་པོ་སྟེ།། སྤྱི་རྒྱུད་ཆེན་པོའི་རང་བཞིན་ཏེ།། ཀུན་ལས་ཁྱད་པར་འཕགས་པའོ།། ཞེས་གསུངས་སོ།། གསང་བ་སྤྱི་རྒྱུད་ལས། ཁྱད་པར་འཕགས་པའི་ལེའུ་སྟེ་ཉེར
239b5 བཞི་པའོ།། །། དེ་ནས་གསང་བདག་ཆེན་པོ་ལ། སེམས་དཔའ་རྡོ་རྗེས་ཞུས་པ། རྒུད་ཀྱི་རྒྱལ་པོ་འདི་ཉིད་ཀྱི།། མཚན་གྱི་གཟུང་ཟབས་ཇི་ལྟར་གཟུང་། ཞུས་པས། གསང་བདག་ཆེན་པོས་སེམས་དཔའ་རྡོ་རྗེ
239b6 ལ་རྒྱུད་ཀྱི་མཚན་གྱི་གཟུང་ཐབས་དང་། གཏད་པའི་ཐབས་འདི་གསུངས་སོ།། ཡངས་པ་ནམ་མཁའ་ལྟ་བུའི་རྒྱུད།། གསལ་བ་ཉི་ཟླ་ལྟ་བུའི་རྒྱུད།། ཟབ་པ་རྒྱ་མཚོ་ལྟ་བུའི་རྒྱུད།། ཐམས་ཅད་འབྱུང་བ
iiif viewer powered by OpenSeadragon
