| e-texts navigator |
| Wylie |
239a1 པ་ཐུགས་ཀྱི་རང་བཞིན་ནོ།། ལོངས་སྤྱོད་སྐུ་ཡི་རང་བཞིན་དང་།། ལོངས་སྤྱོད་གསུང་གི་རང་བཞིན་དང་།། ལོངས་སྤྱོད་ཐུགས་ཀྱི་རང་བཞིན་ནོ།། ཆོས་ཉིད་སྐུ་ཡི་རང་བཞིན་དང་།། ཆོས་ཉིད་གསུང
239a2 གི་རང་བཞིན་དང་།། ཆོས་ཉིད་ཐུགས་ཀྱི་རང་བཞིན་ནོ།། སྒྲོ་སྐུར་བྲལ་བ་ཆོས་ཀྱི་སྐུ།། བདེ་ཆེན་ལོངས་སྤྱོད་རྫོགས་པའི་སྐུ།། གདུལ་བྱ་དྲུག་ལ་སྟོན་པ་དྲུག། འདུལ་མཛད་སྟོན་པ་སྤྲུལ་པའི་སྐུ།། རང་བྱུང་བདེ་བ
239a3 ཆེན་པོའི་སྐུ།། དབྱེར་མེད་ངོ་བོ་ཉིད་ཀྱི་སྐུ།། ཞེས་གསུངས་སོ།། གསང་བ་སྤྱི་རྒྱུད་ལས། འབྲས་བུ་བསྟན་པའི་ལེའུ་སྟེ་ཉེར་གསུམ་པའོ།། །། དེ་ནས་གསང་བདག་ཆེན་པོ་ལ། སེམས་དཔའ་རྡོ་རྗེས་ཞུས
239a4 པ།། རྒྱུད་ཀྱི་རྒྱལ་པོ་སྤྱི་རྒྱུད་འདི།། གཞན་ལས་ཁྱད་པར་དུ་ཡིས་ཆེ།། གསང་བདག་ཆེན་པོས་གསུངས་པ།། ཐེག་པའི་ཡང་རྩེ་ཡིན་པས་འཕགས།། བསྟན་པའི་སྙིང་པོ་ཡིན་པས་འཕགས།། དགོངས་པའི་ཞེ
239a5 ཕུགས་ཡིན་པས་འཕགས།། ཐེག་པའི་འབྱུང་གནས་ཡིན་པས་འཕགས།། འབྲས་བུའི་མཐར་ཟུག་ཡིན་པས་འཕགས།། སྟོན་པ་གསང་བདག་ཆེན་པོ་ནི།། སངས་རྒྱས་ཀུན་གྱི་མེས་ཆེན་པོ།། བླང་དོར་མེད་པའི་རང
239a6 བཞིན་གྱིས།། སྟོན་པ་ཀུན་ལས་ཁྱད་པར་འཕགས།། སྟོན་པ་མངོན་པར་ཆེ་བར་བཤད།། སྡུད་པ་སེམས་དཔའ་རྡོ་རྗེ་ཁྱོད།། སངས་རྒྱས་སེམས་ཅན་འཁོར་རྣམས་ལ།། སྐྱེ་འཇིག་མེད་པའི་བྱང་ཆུབ་སེམས།། སྡུད
iiif viewer powered by OpenSeadragon
