| e-texts navigator |
| Wylie |
238b1 ཀྱིས་ནི།། ཡེ་ཤེས་ངོ་བོ་སྟོན་པར་བྱེད།། གྲངས་དང་རྣམ་པ་ཡོངས་ཀྱིས་མེད།། མ་བཅོས་མ་བསླད་དམ་ཚིག་ཡིན།། མ་སྐྱེས་པ་ཡི་ཆོས་ཉིད་ནི།། མི་འགག་མི་སྐྱེ་དམ་ཚིག་ཡིན།། འཁོར་བའི་འབྲས་བུ་ཟད་པར
238b2 འགྱུར།། ཞེས་གསུངས་སོ།། གསང་བ་སྤྱི་རྒྱུད་ལས། དམ་ཚིག་བསྟན་པའི་ལེའུ་སྟེ་ཉེར་གཉིས་པའོ།། །། དེ་ནས་གསང་བདག་ཆེན་པོ་ལ་སེམས་དཔའ་རྡོ་རྗེས་ཞུས་པ།། མཐར་ཟུག་འབྲས་བུ་ཐོབ་ལུགས
238b3 གང་། ཞུས་པས། གསང་བ་དག་ཆེན་པོས་གསུངས་པ།། རྩོལ་བསྒྲུབ་རེ་དོགས་གང་དང་བྲལ།། ལྷུན་གྱིས་གྲུབ་པའི་འབྲས་བུ་ཡིན།། ཆོས་སྐུར་བྲལ་བའི་སེམས་ཉིད་ནི།། སངས་རྒྱས་ཀུན་གྱི་སྙིང་པོ་སྟེ།། མ
238b4 བསྒྲིབས་ཡེ་ཤེས་ཆོས་ཀྱི་སྐུ།། འགག་མེད་དབྱིངས་ཀྱི་བྱང་ཆུབ་གསུངས།། མི་སྐྱེ་མི་འགག་ཡེ་ཤེས་ཐུགས།། རྒྱུ་དང་འབྲས་བུ་གཉིས་མ་མཆིས།། རྩ་བ་གཅིག་པའི་བྱང་ཆུབ་སེམས།། རྒྱུ་ཉིད་རང་བྱུང་སྐྱེ་མེད
238b5 པས།། མིང་ཙམ་མཚོན་པའི་འབྲས་བུར་གཅིག། འབྲས་བུ་ཞེས་ནི་བཏགས་པ་མེད།། བཏགས་པ་དེ་ནི་མཚོན་པ་སྟེ།། མཚོན་པའི་དོན་གྱིས་བཏགས་པ་མཚོན།། མ་སྐྱེས་པ་ཡི་ཆོས་ཉིད་ནི།། སྐྱེ་འགག་མེད་པའི
238b6 འབྲས་བུ་ཡི།། སྐུ་གསུམ་བྱིན་རླབས་ཐེག་པ་དགུ།། སེམས་ཉིད་སྐུ་གསུང་ཐུགས་ཡིན་པས།། སྐུ་གཅིག་སྐུ་གསུང་ཐུགས་ཡིན་པས།། སྤྲུལ་པ་སྐུ་ཡི་རང་བཞིན་དང་།། སྤྲུལ་པ་གསུང་གི་རང་བཞིན་དང་།། སྤྲུལ
iiif viewer powered by OpenSeadragon
