| e-texts navigator |
| Wylie |
238a1 འཁོར་ནི།། ཉེས་པའི་སྐྱོན་གྱི་དྲི་མ་མེད།། ཡེ་ཤེས་རང་སྣང་སྒྲིབ་གཡོགས་མེད།། རང་བྱུང་དག་པའི་དཀྱིལ་འཁོར་གསུམ།། མཉམ་ཉིད་ངང་དུ་ལྷུན་གྱིས་གྲུབ།། ཅེས་གསུངས་སོ།། གསང་བ་སྤྱི་རྒྱུད
238a2 ལས། དཀྱིལ་འཁོར་བསྟན་པའི་ལེའུ་སྟེ་ཉེར་གཅིག་པའོ།། །། དེ་ནས་གསང་བདག་ཆེན་པོ་ལ། སེམས་དཔའ་རྡོ་རྗེས་དམ་ཚིག་རང་བཞིན་ཇི་ལྟ་བུ་ཞུས་པས། གསང་བདག་ཆེན་པོས་གསུངས་པ།། དམ་ཚིག
238a3 དམ་ཚིག་ཅེས་བྱ་བ།། གུད་ན་ཡོད་པ་མ་ཡིན་ཏེ།། རང་གི་སེམས་ཉིད་དམ་ཚིག་སྟེ།། དེ་ལས་མི་འདའ་དམ་ཚིག་ཆེ།། མི་རྟོག་མཉམ་པའི་དམ་ཚིག་ཡིན།། ཡེ་ཤེས་དམ་ཚིག་ཆེན་པོ་ལ།། རྩ་བ་ཡན་ལག་ཕྱོགས
238a4 མཚམས་བྲལ།། མེད་པ་ཕྱལ་པ་གཅིག་པུ་ལྷུན་གྲུབ་ནི།། རྫོགས་པ་ཆེན་པོའི་དམ་ཚིག་སྟེ།། དེ་ལས་འདས་ན་ཉམས་པར་འགྱུར།། དུས་གསུམ་འདའ་བ་མེད་པ་ཡི།། གསང་བ་ཆོས་སྐུའི་དམ་ཚིག་ནི།། རྣམ་རྟོག
238a5 འཕྲུལ་པ་གང་སྐྱེས་ཀྱང་།། དྲན་པ་དུས་མཚུངས་གདམས་པས་གཅོད།། ཆོས་ཅན་ཆོས་ཉིད་གང་རྟོགས་པ།། རང་བྱུང་གསང་བའི་སེམས་མ་མཐོང་།། སྟོང་ཉིད་རིག་པའི་དོན་མ་རྙེད།། གསལ་སྟོང་དབྱེར་མེད་དོན
238a6 མ་རྟོགས།། བསྲུང་སྡོམ་རྩ་བ་ཡན་ལག་རྣམས།། ཐེག་པ་གཞན་གྱི་བསྲུང་མཚམས་ཡིན།། རྣམ་རྟོག་གཡོ་བ་མེད་པ་ནི།། རང་བྱུང་དམ་ཚིག་ཆེན་པོ་ཡིན།། སྒྲོ་སྐུར་གཉིས་དང་བྲལ་བའོ།། རིག་པ་སྒྲོན་མའི་སེམས
iiif viewer powered by OpenSeadragon
