| e-texts navigator |
| Wylie |
237b1 གསུངས་སོ།། གསང་བ་སྤྱི་རྒྱུད་ལས། དབང་གི་ལེའུ་སྟེ་ཉི་ཤུ་པའོ།། །། དེ་ནས་གསང་བདག་ཆེན་པོ་ལ། སེམས་དཔའ་རྡོ་རྗེས་དཀྱིལ་འཁོར་ཇི་ལྟ་བུ་ཞུས་པས། གསང་བདག་ཆེན་པོས་གསུངས་པ། དཀྱིལ
237b2 འཁོར་དཀྱིལ་འཁོར་ཞེས་བྱ་བ།། སེམས་ཀྱི་དཀྱིལ་འཁོར་ལ་གནས་པ།། དཀྱིལ་འཁོར་དམ་པ་དེ་ཡིན་པས།། མ་ནི་དཀྱིལ་ལ་བུ་ཡི་འཁོར།། རིག་པ་དཀྱིལ་ལ་སྣང་ཚུལ་འཁོར།། མཉམ་ཉིད་དཀྱིལ་ལ་དངས་མ
237b3 འཁོར།། བསམ་དུ་མེད་པའི་དཀྱིལ་འཁོར་ནི།། མཚོན་དུ་མེད་པའི་རང་བཞིན་ནོ།། གཟུང་འཛིན་བྲལ་བའི་དཀྱིལ་འཁོར་ནི།། བསམ་རྟོག་འདས་པའི་རང་བཞིན་ནོ།། རང་བྱུང་མཉམ་པའི་དཀྱིལ་འཁོར་ནི།། མ
237b4 བཅོས་རིག་པའི་རིན་པོ་ཆེ།། མཐའ་དང་དབུས་མེད་གཞལ་ཡས་ནི།། རང་བཞིན་རྫོགས་པའི་སངས་རྒྱས་ཆེ།། རང་བཞིན་དཀྱིལ་འཁོར་མུ་མཐའ་མེད།། ཡེ་ནས་ལྷུན་གྲུབ་ཕོ་བྲང་ཆེ།། སྤྱན་དྲང་བཞུགས་ཕྱག་མི
237b5 མངའ་ཡང་།། རང་བྱུང་སྟོན་པ་མངོན་སངས་རྒྱས།། ཡེ་ཤེས་རང་གསལ་སྔགས་ལྡན་པས།། སྙིང་པོ་མཆོད་པ་དབུལ་མི་དགོས།། བདེ་ཆེན་གསལ་བ་རྒྱུད་ལྡན་པས།། གསང་བའི་དཀྱིལ་འཁོར་ལྷ་མཉེས་པ།། དུས
237b6 གསུམ་མི་འདའ་ཐུགས་དམ་མཆོག། རང་བྱུང་ཡོངས་རྫོགས་ལྷ་ཡི་རྗེ།། སྐྱོན་གྱི་དྲི་མ་དང་བྲལ་བས།། ཤེས་མེད་རིག་པའི་དོན་མཐོང་ངོ་།། འཛིན་བྲལ་ཡེ་ཤེས་ངང་གིས་གསལ།། འགྱུར་མེད་གསང་བའི་དཀྱིལ
iiif viewer powered by OpenSeadragon
