| e-texts navigator |
| Wylie |
237a1 ལ།། སེམས་དཔའ་རྡོ་རྗེས་རིག་པ་རང་དབང་།། ཇི་ལྟ་བུ་ཞུས་པས། གསང་བདག་ཆེན་པོས་གསུངས་པ།། རང་དབང་སེམས་ལ་ཐོབ་པ་ནི།། དབང་རྣམས་ཀུན་གྱི་མཆོག་ཡིན་ཏེ།། གཞི་ནས
237a2 དབང་ཐོབ་བསྐུར་མི་དགོས།། ཤེས་རིག་རྒྱལ་པོ་དབང་གི་མཆོག། དབང་རྣམས་ཀུན་གྱི་སྙིང་པོ་ཡིན།། བྱ་བྲལ་དམ་པའི་སེམས་ལ་གནས།། ཚིག་གིས་རྟོག་པའི་ཡུལ་ལས་འདས།། རང་དབང་དམ་པ་སེམས་ལ
237a3 གནས།། ཡོ་བྱད་དག་ལ་རག་མ་ལས།། རིག་པ་སྤྱི་བླུགས་ཚངས་པའི་དབང་།། རྒྱལ་ཐབས་སྤྱི་བླུགས་བསྐུར་ཐབས་སོ།། གཉིས་ཀྱི་མཐའ་རུ་མ་ལྷུང་བ།། དབྱེར་མེད་རིག་པ་ཚིག་རྫོགས་སོ།། མ་ཡི་དབང་ལ་བུ་ཡི
237a4 ཉམས།། དབྱེར་མེད་དབང་བསྐུར་ཐོབ་པའོ།། བྱ་བཏང་འཛིན་མེད་ངང་དུ་བདེ།། དབང་མཆོག་འོད་གསལ་རྒྱལ་བའི་དབང་།། གང་ཟག་གཅིག་ལ་ལྟོས་པ་མེད།། ཀློང་ཆེན་འོད་གསལ་བདེ་བའི་མཆོག། དབྱིངས
237a5 ཉིད་རྣམ་དག་ཐིག་ལེ་ཆེ།། མ་བཅོས་པ་ཡི་རང་བཞིན་ནི།། ཡེ་ནས་གནས་པས་ཐིག་ལེ་ཆེ།། ཡང་དག་དོན་ལ་ནོར་བ་མེད།། དེས་ན་རིག་པ་རང་གི་དབང་།། དེ་འདྲའི་དོན་ནི་མི་ཤེས་ན།། ཐུན་མོང་གཞན་ལ་མོས
237a6 པ་མེད།། རིམ་གྱིས་ནོད་པ་ཐབས་ཡིན་ནོ།། གསང་སྔགས་བརྡའ་སྒོ་དབང་གིས་དབྱེ།། གང་ཡང་མེད་པའི་གང་ཟག་ནི།། རིགས་ལས་འགལ་བས་བསྟན་མི་བྱ།། བསྟན་ན་བདག་གཞན་གནས་སུ་བསྲེག། ཅེས
iiif viewer powered by OpenSeadragon
