| e-texts navigator |
| Wylie |
236b1 ནི།། མ་བཅོས་རྣལ་མའི་སྤྱོད་པའོ།། ཉི་མ་ལྟ་བུའི་རང་བཞིན་ནི།། མ་ཆགས་མ་ཞེན་སྤྱོད་པའོ།། རྒྱ་མཚོ་ལྟ་བུའི་རང་བཞིན་ནི།། ཟབ་ལ་རྒྱ་ཆེའི་སྤྱོད་པའོ།། ས་གཞི་ལྟ་བུའི་རང་བཞིན་ནི།། ཐམས་ཅད་ཀུན
236b2 འབྱུང་སྤྱོད་པའོ།། རིན་ཆེན་ལྟ་བུའི་རང་བཞིན་ནི།། དགོས་འདོད་འབྱུང་བའི་སྤྱོད་པའོ།། སེང་གེ་ལྟ་བུའི་རང་བཞིན་ནི།། ཉམ་ང་མེད་པའི་སྤྱོད་པའོ།། གདེང་དང་ལྡན་པའི་རང་བཞིན་ནི།། རེ་དོགས་མེད་པའི་སྤྱོད
236b3 པའོ།། པདྨ་ལྟ་བུའི་རང་བཞིན་ནི།། གོས་པ་མེད་པའི་སྤྱོད་པའོ།། ཏི་དྱ་ལྟ་བུའི་རང་བཞིན་ནི།། བརྩི་གདབ་མེད་པའི་སྤྱོད་པའོ།། གླང་ཆེན་ལྟ་བུའི་རང་བཞིན་ནི།། བདུད་དཔུང་འཇོམས་པའི་སྤྱོད་པའོ།། སོ་མ
236b4 གཡའ་དག་རང་བཞིན་ནི།། འགྱུར་བ་མེད་པའི་སྤྱོད་པའོ།། ཡེ་ནས་ཡང་དག་རང་བཞིན་ནི།། གཉིས་མེད་དོན་ལ་རང་བཞིན་གནས།། ཡེ་ནས་གཉིས་སུ་མེད་པས་ན།། ལུས་ངག་སྤྱོད་ལ་རག་མ་ལས།། སེམས་ཉིད
236b5 ཡེ་ནས་དག་པ་ལ།། སྙིང་པོ་ཉིད་ཀྱི་དོན་ལ་སྤྱོད།། ཚུལ་ཁྲིམས་སྡོམ་པ་དམ་ཚིག་རྣམས།། སྤྱད་ཀྱང་འཆིང་བར་མི་འགྱུར་ཏེ།། མ་སྤྱད་ན་ཡང་ཉེས་པ་མེད།། རྫོགས་པ་ཆེན་པོའི་སྤྱོད་པ་ནི།། རང་བྱུང་བཀག་པ་མ
236b6 ཡིན་ཏེ།། རང་བྱུང་རྩོལ་བས་བསྒྲུབ་པ་མིན།། རང་སྣང་མ་བཅོས་སེམས་ཀྱི་རྒྱན།། ཞེས་གསུངས་སོ།། གསང་བ་སྤྱི་རྒྱུད་ལས།། སྤྱོད་པ་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་གསང་བདག་ཆེན་པོ
iiif viewer powered by OpenSeadragon
