| e-texts navigator |
| Wylie |
235b1 དང་བྲལ།། མི་འཕྲོ་ཡུལ་ལ་འཛིན་པ་མེད།། རྩོལ་སེམས་མེད་པས་བྱ་མི་དགོས།། གང་སྣང་རང་ལུགས་སོ་མ་ཉིད།། མི་བསྒོམ་མི་འཛིན་འདོད་པ་བྲལ།། ཡུལ་ལ་མི་འཇུག་ངང་གིས་གནས།། གསལ་བ་སྒྲིབ་ཕྱོགས
235b2 ཀུན་དང་བྲལ།། འཁྲུལ་པའི་སྐྱེ་བ་ངང་གིས་མེད།། མཚན་མའི་ཕྱོགས་སུ་འཛིན་པ་མེད།། སྣ་མེད་ངོས་གཟུང་བྲལ་བར་གནས།། གང་ལ་མི་འགྱུ་མི་འཛིན་ཏེ།། སྨག་གི་མུན་རུམ་སེམས་ལྟ་བུ།། མི་རྟོག་རང་བཞིན
235b3 ངང་གིས་གསལ།། བདེ་བ་རྟོག་མེད་ངང་ལ་གནས།། འཛིན་སེམས་མེད་པའི་དོན་གྱི་མཆོག། མཚན་མའི་ཡུལ་དུ་དམིགས་པ་མེད།། མ་བསྒྲུབས་ཡེ་ཤེས་རང་ལ་གསལ།། ཞེན་པའི་རྟོག་པ་ངང་གིས་དག། མི་འགྱུར།
235b4 མི་འཛིན་དགོངས་པའི་མཆོག། མ་བཅོས་རང་གསལ་བདེ་བའི་མཆོག། འགྲོ་ཉལ་འདུག་སྡོད་ཐམས་ཅད་དུ།། རྒྱུན་ཆད་མེད་པར་རྩོལ་སེམས་བྲལ།། འཁྲུལ་པའི་སྙིང་པོ་བསྟེན་མི་དགོས།། གང་སྣང་རྣམ་པ་ཅིར
235b5 ཤར་ཀྱང་།། དེ་ཡི་རྗེས་སུ་འགྲོ་མི་འགྱུར།། འཛིན་པའི་སྐབས་མེད་གང་འགྱུར་ཚེ།། དུས་གསུམ་རྒྱུན་ཆད་མེད་པར་གནས།། མི་བསྒོམ་དོན་ལ་བྱ་བ་གཏང་།། བསྒོམ་མེད་དོན་ལ་བློས་བཞག་མེད།། རང་གི་སེམས
235b6 ལས་མ་གཡོས་པས།། སྙིང་པོའི་ཕྱོགས་ལ་བརྟེན་མི་དགོས།། ཡེ་ཤེས་གསལ་བའི་དགོངས་པ་ལ།། ཚིག་གི་དོན་བྲལ་བྱ་ལམ་འདྲ།། རིག་པ་གང་གི་རྗེས་མི་གཅོད།། སྒྲོན་མའི་དཔེ་བཞིན་མུན་པ་སངས། དེ་ཉིད
iiif viewer powered by OpenSeadragon
