| e-texts navigator |
| Wylie |
235a1 མཇལ་ཚིག་དང་བྲལ།། ཕྱོགས་མེད་པ་ནི་ལྟ་བའི་ཀློང་།། འཇུག་པའི་སྒོ་ཡངས་ལམ་གྱི་མཆོག། སྡུག་བསྔལ་འཁྲུལ་པ་རང་གྲོལ་འགྱུར།། རང་བལྟ་ཡུལ་མེད་རྟོགས་པས་ན།། མཚན་མའི་དངོས་པོའི
235a2 ཡུལ་མ་མཆིས།། སྣང་མེད་མ་འགགས་གཉིས་སུ་མེད།། སེམས་ལ་བལྟ་མེད་དོན་པོ་ཆེ།། བྱ་བ་བྲལ་བ་དོན་གྱི་མཆོག། རེ་འདོད་ཀུན་བྲལ་སྤང་ཐོབ་མེད།། བདེ་བ་རང་བྱུང་བལྟ་བ་ནི།། སྣང་བའི་ཡུལ་དུ་གྲུབ་པ
235a3 མེད།། འོད་གསལ་བདེ་ཆེན་མཚོ་ལྟར་ཟབ།། རིན་ཆེན་འོད་ལྟར་རང་ལས་བྱུང་།། གདེང་ལྡན་སོམ་ཉི་བྲལ་བ་སྟེ།། རང་རིག་ཚད་མ་མངོན་སུམ་གསལ།། ཚད་མ་གསུམ་གྱི་གཏན་ཚིགས་ཀྱིས།། དེ་ཉིད་རྟོགས
235a4 པའི་ཐབས་སུ་བཤད།། ཅེས་གསུངས་སོ།། གསང་བ་སྤྱི་རྒྱུད་ལས།། བལྟ་བ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་གསང་བདག་ཆེན་པོ་ལ། སེམས་དཔའ་རྡོ་རྗེས་ཏིང་ངེ་འཛིན་སྒོམ་ཐབས་ཇི་ལྟ་བུ
235a5 ཞུས་པས། གསང་བདག་ཆེན་པོས་གསུངས་པ།། བསྒོམ་དུ་མེད་པའི་ཆོས་ཉིད་ནི།། ཡིད་ཀྱིས་བཞག་པ་དང་བྲལ་བས།། འཛིན་སེམས་མེད་པར་ངང་གིས་བདེ།། ཚོགས་དང་བྲལ་བས་ཞེན་མེད་སེམས།། འགྱུ་བ
235a6 སངས་པས་གཞག་ཏུ་མེད།། མཚན་མ་མེད་པས་གཟུང་དུ་མེད།། ཁ་དོག་བྲལ་བས་དབྱིབས་དང་བྲལ།། བསྒོམ་མེད་ཡེངས་མེད་ངང་གིས་བདེ།། མི་བསྒོམ་རང་ལུགས་བཅོས་སུ་མེད།། བྱིང་དང་རྨུགས་མེད་སྐྱོན
iiif viewer powered by OpenSeadragon
