| e-texts navigator |
| Wylie |
234b1 པར་བཟླའ།། བུ་ནི་ཡེ་ཤེས་ལ་ཡང་བཟླ། ཞེས་གསུངས་སོ།། གསང་བ་སྤྱི་རྒྱུད་ལས། དབྱེར་མེད་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་གསང་བདག་ཆེན་པོ་ལ་སེམས་དཔའ་རྡོ་རྗེས་བལྟ་བའི་རང
234b2 བཞིན་ཇི་ལྟ་བུ་ཞུས་པར། གསང་བདག་ཆེན་པོས་གསུངས་པ།། དྲི་མེད་རང་བྱུང་བལྟ་བའི་མཆོག། སྐྱོན་མེད་པདྨའི་རང་བཞིན་ཏེ།། གང་གི་རྣམ་པའི་འདོད་པ་བྲལ།། འཛིན་པ་ཐམས་ཅད་ངང་གིས་མེད།། ནམ
234b3 འི་མཐོངས་ལྟར་ཅི་ཡང་མེད།། རང་བྱུང་བདེ་ཆེན་ཆོས་ཉིད་དོ།། བྱ་བཏང་འཛིན་སེམས་མེད་པས་བདེ།། འཛིན་དང་བྲལ་བའི་རང་བཞིན་ནི།། ཆགས་དང་བྲལ་བའི་བདེ་བ་མཆོག། འོད་གསལ་སྒྲིབ་ཕྱོགས
234b4 ཀུན་དང་བྲལ།། སྒྲིབ་པ་མེད་པའི་ཡེ་ཤེས་གསལ།། ཐེག་གཅིག་སྙིང་པོའི་བལྟ་བ་ལ།། བཟང་ངན་བླང་དོར་མ་མཆིས་པས།། བདེ་དང་སྡུག་བསྔལ་གཉིས་མི་མངའ།། དགག་དང་བསྒྲུབ་པ་བྱ་མི་དགོས།། ཐམས
234b5 ཅད་འདི་ལས་འབྱུང་བའི་ཕྱིར།། ཡིད་བཞིན་ནོར་བུའི་རང་བཞིན་ནོ།། ཡེ་ནས་ཡིན་པས་བྱ་མི་དགོས།། འབད་དང་རྩོལ་བས་མཐར་ཕྱུང་མེད།། ཟག་ཆོད་ཉམ་ང་མེད་པའི་མཆོག། བྱང་ཆུབ་སེམས་ཀྱི་རང་བཞིན
234b6 ནི།། གཞན་དུ་བལྟ་བའི་ཡུལ་མ་མཆིས།། བལྟ་བ་བློ་ཡིས་བྱས་པ་མིན།། སྤྱི་བླུགས་ཚངས་པའི་དབང་གིས་སུ།། བག་ཆགས་མཚན་མ་ཟིལ་གནོན་པ།། གསང་བའི་དོན་མྱོང་འོད་གསལ་སེམས།། དོན་ལ་བརྡའ
iiif viewer powered by OpenSeadragon
