| e-texts navigator |
| Wylie |
233b1 སྒྲོན་མའི་མཆོག། རིག་པ་དགོངས་པ་གཏན་ལ་འབེབས།། སྣང་བ་མ་ལུས་སེམས་ལ་གསལ།། རིག་པ་མཆོག་ལྡན་སངས་རྒྱས་བཀའ།། རིག་པ་རྫས་མེད་བསལ་དང་བྲལ།། དབང་པོའི་ངོ་ལ་གང་གནས་པ།། རང
233b2 བཞིན་མི་རྟོག་སེམས་སུ་གསལ།། ཤེས་རིག་ཡེ་ཤེས་ཉིད་དུ་འཆར།། བདེ་ཆེན་རང་རིག་ཉིད་དུ་གསལ།། འཛིན་མེད་ནམ་མཁའི་ངང་ལ་གཞག། རང་རིག་རྟོག་པ་ཤུགས་ལས་འཆར།། བློ་ཡི་རྩོལ་བས་བསྒྲུབ་ཏུ
233b3 མེད།། ཏིང་འཛིན་ཕྱོགས་ལ་བློ་མི་གཏོད།། འདོད་པའི་རེ་བ་ཀུན་དང་བྲལ།། ཐ་སྙད་ཕྱོགས་ལ་བློ་མི་གནས།། བརྗོད་པའི་ཐ་སྙད་གདགས་གཞི་བྲལ།། རང་བཞིན་གསལ་བའི་དོན་ལ་འཇུག། འོད་གསལ་སེམས
233b4 ལ་སྒྲིབ་ཕྱོགས་བྲལ།། མ་བཅོས་བྱ་བ་ངང་གིས་བཏང་།། དལ་བར་བཞག་ནས་ངང་གིས་བདེ།། རྒྱུད་འཇམ་ཁྲོ་གཏུམ་ཀུན་དང་བྲལ།། ཉོན་མོངས་སྐྱེ་བའི་རྒྱུ་མི་གནས།། བདག་ཡོད་མཐའ་རུ་ལྟུང་མི་འགྱུར།། མེད
233b5 པ་མ་ཡིན་ངང་གིས་གསལ།། མེད་པ་བདེ་བའི་ཡུལ་མ་མཐོང་།། མཐའ་གཉིས་མ་གོས་སྐྱོན་དང་བྲལ།། ཐམས་ཅད་གྲོལ་བའི་བྱང་ཆུབ་སེམས།། ལུས་ཀྱང་བྱང་ཆུབ་སེམས་སུ་འདུས།། སེམས་ལ་རིག་པ་བརྩི
233b6 གདབ་མེད།། ཅེས་གསུངས་སོ།། གསང་བ་སྤྱི་རྒྱུད་ལས། བུའི་མཚན་ཉིད་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་གསང་བདག་ཆེན་པོ་ལ་སེསམ་དཔའ་རྡོ་རྗེས་ཞུས་པ།། དབྱེར་མེད་རང་བཞིན་ཇི་ལྟ།
iiif viewer powered by OpenSeadragon
