| e-texts navigator |
| Wylie |
233a1 བསལ་མེད་ན་བདེ་བའི་མཆོག། བརྗོད་མེད་བསམ་མེད་དོན་པོ་ཆེ།། དེ་བཞིན་འགྱུར་མེད་དེ་བཞིན་ཉིད།། མ་བཅོས་རང་བྱུང་སྙིང་པོ་ཉིད།། ཆོས་སྐུ་རང་བྱུང་སྟོན་པའི་མཆོག། ཡི་གེ་བརྗོད་བྱ་ཀུན
233a2 དང་བྲལ།། མ་བཅོས་སོ་མ་བརྗོད་བྱ་མེད།། ཞེ་འདོད་རྣམ་པ་གང་ཡང་མེད།། མ་བཅོས་རང་བྱུང་ཉིད་དུ་བདེ།། ཕྱི་རོལ་གང་སྣང་རང་བཞིན་མེད།། མ་བཏགས་མ་བཟུང་དབྱེ་བསལ་མེད།། སྟོང་ཉིད་མ་བཅོས་ཉིད
233a3 དུ་བདེ།། ལྟ་བའི་ངོ་བོ་འདོད་པ་བྲལ།། བློ་ཡིས་བྱས་པ་མ་ཡིན་པ།། ཆགས་དང་བྲལ་བས་ཞེན་པ་མེད།། འཛིན་དང་བྲལ་བས་སྟོང་ཆེན་པོ།། དང་པོའི་དུས་སུ་ཤེས་པའོ།། མ་བྱུང་མ་སྐྱེས་མཉམ་པའི་ངང་།། ཡེ
233a4 དག་ཡེ་གྲོལ་ཡེ་གནས་སོ།། རིན་ཆེན་གླིང་བཞིན་ཡེ་གནས་སོ།། སེམས་ཀྱི་ཡེ་ཤེས་གཏེར་ཁ་ཕྱེ།། འདོད་པའི་ལོངས་སྤྱོད་ཟད་མཐའ་མེད།། ངོ་བོ་ཉིད་གནས་སྐྱེ་མེད་པ།། ནམ་ཡང་སྐྱེ་བར་མི་འགྱུར་རོ།། ཞེས
233a5 གསུངས་སོ།། གསང་བ་སྤྱི་རྒྱུད་ལས། ཆོས་ཉིད་མའི་རང་བཞིན་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་སེམས་དཔའ་རྡོ་རྗེས་གསང་བདག་ཆེན་པོ་ལ་ཞུས་པ། ཡན་ལག་བུ་ཡི་རང་བཞིན་ཇི་ལྟ་བུ།
233a6 གསང་བདག་ཆེན་པོས་གསུངས་པ།། སྟོང་པ་ལས་སྐྱེས་རིག་པ་ནི།། སྣ་ཚོགས་སྣང་བ་ཉིད་དུ་འཆར།། རང་རིག་གསལ་བ་ཉིད་དུ་ཤར།། རིག་པ་དོན་གྱི་ངོ་བོ་ནི།། སོ་སོ་མ་ཡིན་བརྗོད་བྱ་གཅིག། ཐ་སྙད་མ་ལུས
iiif viewer powered by OpenSeadragon
