| e-texts navigator |
| Wylie |
232b1 བརྩོན་ན།། རྒྱལ་བའི་སྐུ་གསུམ་ཡེ་ཤེས་འདོད།། རྫོགས་པ་ཨ་ནུ་ཡོ་ག་ནི།། རྒྱུ་རྐྱེན་དག་པའི་རང་བཞིན་གྱིས།། སྙིང་པོ་ཙམ་ལ་རག་ལས་པ།། བརྗོད་པས་ཡེ་ཤེས་དཀྱིལ་འཁོར་རྫོགས།། རྫོགས་ཆེན་ཨ་ཏི་ཡོ་ག
232b2 ནི།། རྒྱུ་རྐྱེན་དག་ལ་རག་མ་ལུས།། རྩོལ་བ་དག་གིས་བསྒྲུབ་མི་བྱེད།། རྫོགས་ཆེན་གང་ལའང་མ་བརྟེན་འདིས།། རྣམ་པར་བགྲང་བའི་ཆོས་རྣམས་ཀུན།། ཡོངས་སུ་བྱིན་གྱིས་རློབ་པར་བྱེད།། ཀུན་གྱིས་བདེ་བ
232b3 སྤོང་བྱེད་པས།། ཡོངས་སུ་བྱིན་གྱིས་རློབ་པར་བྱེད།། ཅེས་གསུངས་སོ།། གསང་བ་སྤྱི་རྒྱུད་ལས། འཇིག་རྟེན་ལས་འདས་པའི་ཐེག་པ་སྟེ་ལེའུ་བཅུ་གསུམ་པའོ།། །། དེ་ནས་གསང་བདག་ཆེན་པོ་ལ་སེམས
232b4 དཔའ་རྡོ་རྗེས་ཞུས་པ། ཆོས་ཉིད་མ་ཡི་རང་བཞིན་ཇི་ལྟ་བུ། ཞུས་པས། གསང་བདག་ཆེན་པོས་གསུངས་པ།། མཉམ་ཉིད་མ་ཡི་རང་བཞིན་ནི།། མཐའ་ཡས་འགྲོ་བ་ཀུན་ལ་གནས།། གང་ཡང་མ་ཡིན་དངོས་གཞི
232b5 མེད།། ཤེས་པ་རང་ལུགས་སོ་མ་ཉིད།། དུས་གསུམ་གཡོ་བ་མེད་པར་གནས།། རང་བཞིན་སེམས་ནི་བརྗོད་པ་མེད།། མི་གཡོ་མ་བཅོས་མཉམ་པ་ཉིད།། རང་གནས་ཡེ་ཤེས་འོད་གསལ་བ།། ཡིད་ལ་འགྱུ་མེད་ཡེ
232b6 ཤེས་གསལ།། མཁའ་འདྲ་ཡེ་ཤེས་ལྷུན་གྱིས་གྲུབ།། གྲུབ་མེད་ཡེ་ནས་རང་བཞིན་གནས།། མཉམ་ཉིད་གསལ་བ་རིན་པོ་ཆེ།། ནམ་མཁའ་བཞིན་དུ་མཐའ་དབུས་མེད།། དབྱིབས་དང་ཁ་དོག་གང་སྣང་བ།། དབྱེ
iiif viewer powered by OpenSeadragon
