| e-texts navigator |
| Wylie |
232a1 ལས་འདས་པའི་ཐེག་པ་ཞུས་པ། གསང་བདག་ཆེན་པོས་གསུངས་པ། འཇིག་རྟེན་འདས་པའི་ཐེག་པ་ལ།། རྣམ་པ་གཉིས་སུ་ཕྱེ་ནས་བསྟན།། མཚན་ཉིད་རྒྱུ་ཡི་ཐེག་པ་དང་།། འབྲས་བུ་རྡོ་རྗེའི་ཐེག
232a2 པའོ།། མཚན་ཉིད་རྒྱུ་ལ་རྣམ་པ་གསུམ།། སྡུག་བསྔལ་སྤོང་བའི་ཉན་ཐོས་དང་།། ཤེས་པ་འགེག་པའི་རང་རྒྱལ་དང་།། རྣམ་རྟོག་སྦྱོང་བའི་མདོ་སྡེ་གསུམ།། སྡུག་བསྔལ་སྤོང་བའི་ཉན་ཐོས་ནི།། བརྟུལ་ཞུགས་དག
232a3 གིས་སྤོང་བར་བྱེད།། ཤེས་པ་འགེག་པའི་རང་རྒྱལ་ནི།། མ་རིག་རྟེན་འབྲེལ་བཅུ་གཉིས་འགེག། རྣམ་རྟོག་སྦྱོང་བའི་སྡེ་པ་ནི།། ཆོས་ཉིད་སྟོང་པ་ནམ་མཁའ་སྟེ།། ཇི་ལྟར་དམིགས་པ་བཞིན་གྲུབ་པ།། སྒྱུ་མའི་དཔེ
232a4 བརྒྱད་ལྟ་བུར་འདོད།། འབྲས་བུའི་ཐེག་པ་ལ་ཡང་གསུམ།། བྱ་བའི་སྡེ་དང་གཉི་ག་དང་།། རྣལ་འབྱོར་རྒྱུད་དང་རྣམ་པ་གསུམ།། བྱ་བ་བྱེད་པ་ཀྲི་ཡ་ནི།། ཡན་ལག་བཅུ་གཅིག་ཆོ་ག་ཡིས།། རྒྱལ་བའི་སྐུ་གསུང་ཡེ
232a5 ཤེས་འདོད།། གཉིས་ཀ་སྤྱོད་པའི་ཨུ་པ་ཡ།། ཀྲི་ཡར་སྤྱོད་ཅིང་ཡོ་གར་བསྒྲུབ།། འབྲེལ་མེད་སྒོ་ནས་བསྒྲུབ་པར་འདོད།། རྣལ་འབྱོར་པ་ལ་རྣམ་པ་གཉིས།། ཕྱི་བ་ཐུབ་པའི་ཡོ་ག་ནི།། བྱང་ཆུབ་ལྔ་དག་ཆོ་འཕྲུལ
232a6 བཞི།། ཆུ་ཟླ་བཞིན་དུ་འགྲུབ་པར་འདོད།། ནང་པའི་རྣལ་འབྱོར་རྣམ་པ་གསུམ།། བསྐྱེད་དང་རྫོགས་དང་རྫོགས་ཆེན་གསུམ།། བསྐྱེད་པ་མ་ཧཱ་ཡོ་ག་ནི།། རྣམ་པ་གསུམ་ནི་རིམ་བསྐྱེད་དེ།། ཡོ་བྱད་མ་ཉམས་འཇུག
iiif viewer powered by OpenSeadragon
