| e-texts navigator |
| Wylie |
231b1 བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་གསང་བདག་ཆེན་པོ་ལ་སེམས་དཔའ་རྡོ་རྗེས་ཞུས་པ། ཁམས་གསུམ་སེམས་ཅན་མཚན་ཉིད་དེ་འདྲ་བས།། དེ་ནས་ཐོན་པའི་ཐབས་ནི་གང་གིས་བགྱི།། ཞུས
231b2 པས། གསང་བདག་ཆེན་པོས་གསུངས་པ། འགྲོ་བ་མོས་པ་ཐ་དད་པས།། ཐེག་པའི་སྒོ་མང་སོ་སོར་བསྟན།། གཉིས་ནི་རྣམ་པའི་བྱེ་བྲག་སྟེ།། ཐེག་པ་རྣམ་པ་གཉིས་སུ་བསྟན།། འཇིག་རྟེན་པ་ཡི་ཐེག་པ
231b3 དང་།། འཇིག་རྟེན་འདས་པའི་ཐེག་པའོ།། འཇིག་རྟེན་པ་ཡི་ཐེག་པ་ནི།། རྒྱུད་དྲུག་གནས་པའི་སེམས་ཅན་ཀུན།། ཁམས་གསུམ་འཁོར་བའི་གནས་བཟུང་ནས།། བརྐམ་ཆགས་ལྔ་ཡི་ཞེན་པ་ཡིས།། ཁམས་གསུམ
231b4 འཁོར་བའི་ཚོགས་སོགས་ཏེ།། བདེ་བའི་དོན་མེད་སྟོང་པར་འགྱུར།། དེ་ལ་དོན་འདི་བསྟན་པར་བྱ།། མུ་སྟེགས་རྟག་དང་ཆད་རྣམ་གཉིས།། དགེ་སྡིག་ལས་ཀྱི་ཆོས་རྣམས་ལ།། འབྲས་བུ་ཡོད་པར་མ་རྟོགས
231b5 ཏེ།། ཆད་པའི་མཐའ་རུ་ལྟུང་བའོ།། རྟག་པར་ལྟ་བའི་སེམས་ཅན་གྱིས།། ཡོད་པ་རྣམ་པ་བཞི་མཐོང་སྟེ།། ང་གཙང་སྐྱིད་རྟག་བཞི་མཐོང་ནས།། བླང་དོར་མེད་པའི་ཆོས་མ་ཤེས།། སྐྱེ་བ་མེད་པའི་དོན་མ
231b6 མཐོང་།། རྟག་པའི་མཐའ་རུ་ལྟུང་བའོ།། ཞེས་གསུངས་སོ།། གསང་བ་སྤྱི་རྒྱུད་ལས། འཇིག་རྟེན་པའི་ཐེག་པའི་ལེའུ་སྟེ་བཅུ་གཉིས་པའོ།། །། དེ་ནས་གསང་བདག་ཆེན་པོ་ལ་སེམས་དཔའ་རྡོ་རྗེས་འཇིག་རྟེན
iiif viewer powered by OpenSeadragon
