| e-texts navigator |
| Wylie |
231a1 མྱངས་ཏེ།། ཡང་དག་དོན་དང་ཕྲད་པར་དཀའ།། གཏི་མུག་ལམ་གྱི་སྒོར་ཞུགས་པས།། བྱོལ་སོང་གནས་སུ་བླུན་ལྐུགས་སྤྱོད།། རིག་པ་ཕྲ་མོའི་ཆོས་ལ་སྤྱོད།། སྔ་མའི་ལས་ཀྱི་རྣམ་སྨིན་གྱིས།། བླུན
231a2 ཞིང་ལྐུགས་པའི་ཉམས་མྱངས་ཏེ།། ཡང་དག་དོན་དང་ཕྲད་པར་དཀའ།། ཕྲག་དོག་ལམ་གྱི་སྒོར་ཞུགས་པས།། མི་ཡི་གནས་སུ་དགེ་སྡིག་སྤྱོད།། དགེ་སྡིག་ལས་ཀྱི་ཆོས་སྤྱོད་ཀྱང་།། འདིར་དགེ་ཤས་ཆུང་རྣམ་སྨིན
231a3 གྱིས།། མི་རྟག་འགྱུར་བའི་ཆོས་ལ་སྤྱོད།། ཡང་དག་དོན་དང་ཕྲད་པར་དཀའ།། ང་རྒྱལ་ལམ་གྱི་སྒོར་ཞུགས་པས།། ལྷ་ཡི་གནས་དང་ལོངས་སྤྱོད་ཀྱིས།། མ་རིག་ལྟུང་བའི་སྡུག་བསྔལ་སྤྱོད།། བསམ་པས་གྲུབ་པའི
231a4 ཆོས་ལ་སྤྱོད།། མ་རིག་ལེ་ལོའི་རྣམ་སྨིན་གྱིས།། ལྟུང་བའི་སྡུག་བསྔལ་ཉམས་མྱངས་ཏེ།། ཡང་དག་དོན་དང་ཕྲད་པར་དཀའ།། ཁམས་གསུམ་གནས་ཀྱང་དེ་འདྲ་སྟེ།། འདོད་པའི་ཁམས་ནི་མ་རིག་པ།། གཟུགས་ཀྱི
231a5 ཁམས་ནི་ཆགས་པ་སྟེ།། གཟུགས་མེད་ཁམས་ནི་དངོས་མ་གྲུབ།། ཡིད་ཡུལ་ཆོས་ལ་མུ་བཞིར་བལྟ།། རང་རང་མྱོང་བའི་ཤེས་པ་སྟེ།། ཡང་དག་མ་མཐོང་འཁྲུལ་པ་ཡིན།། ཐོག་མ་མེད་པའི་བག་ཆགས་དང་།། བླ
231a6 མའི་གདམས་ངག་རྐྱེན་མེད་པས།། རྟོག་མེད་སྙིང་པོའི་སེམས་མ་ཤེས།། སྐྱེས་བུའི་ལུས་དང་བྱད་འགྲོགས་འདྲ།། ཞེས་གསུངས་སོ།། གསང་བ་སྤྱི་རྒྱུད་ལས། ཁམས་གསུམ་སེམས་ཅན་གྱི་འཁྲུལ་པའི་མཚན་ཉིད
iiif viewer powered by OpenSeadragon
