| e-texts navigator |
| Wylie |
230b1 གཅིག་པའི་རང་བཞིན་གྱིས།། དུས་གསུམ་རིམ་པར་ཕྱེ་བ་མེད།། ཆོས་ཉིད་ལྷུན་གྲུབ་བདེ་བ་ཆེ།། མི་བསྐྱོད་མི་གཡོ་རང་བཞིན་བདེ།། མཉམ་པའི་བདེ་བ་རང་བྱུང་ཉིད།། གཞན་ནས་བཙལ་བའི་འདོད་པ
230b2 མེད།། མ་སྐྱེས་རང་བྱུང་རང་བཞིན་ནི།། རྨད་དུ་བྱུང་བའི་ཆོས་ཉིད་དོ།། མངོན་དུ་གྱུར་པའི་མཐུ་རིག་པ།། བདེ་ཆེན་ཆོས་ཀྱི་གཞལ་ཡས་སུ།། སེམས་དཔའ་རྡོ་རྗེ་རིག་པའི་མཆོག། སྤྲུལ་པ་ཐ་མའི་དོན་དུ
230b3 འབྱུང་།། ཨ་ཏིའི་སྙིང་པོ་དོན་འདི་འབྱུང་།། ཞེས་གསུངས་སོ།། གསང་བ་སྤྱི་རྒྱུད་ལས། ཡང་དག་པའི་དོན་བསྟན་པའི་ལེའུ་སྟེ་བཅུ་པའོ།། །། དེ་ནས་གསང་བདག་ཆེན་པོ་ལ་རྡོ་རྗེ་སེམས་དཔས་ཞུས
230b4 པ།། འགྲོ་བ་སེམས་ཅན་ཐམས་ཅད་ཀྱིས།། ཡང་དག་དོན་ཉིད་མ་རྟོགས་པ།། དེ་ཡི་ཉེས་སྐྱོན་གང་གིས་བྱས།། ཞེས་ཞུས་པས། གསང་བདག་ཆེན་པོས་གསུངས་པ།། སྲིད་གསུམ་ལས་ལྔ་འཁྲུལ་པ་ཡིས།། ལམ་སྒོ
230b5 ལྔ་རུ་ཞུགས་ཕྱིན་ན།། མི་བདེ་སྡུག་བསྔལ་ལ་ཡང་སྤྱོད།། ཞེ་སྡང་ལམ་གྱི་སྒོར་ཞུགས་པས།། དམྱལ་བའི་གནས་དང་ཚ་གྲང་སྤྱོད།། སྔ་ཕྱི་དྲན་པའི་ཆོས་སྤྱོད་ཀྱང་།། ཚ་དང་གྲང་བའི་ཉམས་མྱོང་གིས།། ཡང་དག
230b6 དོན་དང་ཕྲད་པར་དཀའ།། འདོད་ཆགས་ལམ་གྱི་སྒོར་ཞུགས་པས།། ཡི་དྭགས་གནས་སུ་བཀྲེས་སྐོམ་སྤྱོད།། བསྔོས་པས་ཚིམ་པའི་ཆོས་སྤྱོད་ཀྱང་།། སྔ་ཕྱིའི་ལས་ཀྱི་རྣམ་སྨིན་གྱིས།། བཀྲེས་དང་སྐོམ་པའི་ཉམས
iiif viewer powered by OpenSeadragon
