| e-texts navigator |
| Wylie |
230a1 འགྱུར།། དགོངས་པ་དོན་གྱི་བཅུད་འཛིན་ཞིང་།། རྣ་བརྒྱུད་གདམས་ངག་ནོད་པར་བྱ།། འོད་གསལ་འཛིན་བྲལ་བདེ་བའི་མཆོག། གལ་ཏེ་རྣམ་པར་རྟོག་པ་མེད།། རིག་པ་རྗེས་མེད་བྱ་ལམ
230a2 འདྲ།། འཛིན་མེད་ནམ་མཁའ་བཞིན་དུ་གནས།། སྒྲིབ་མེད་ཉི་མའི་སྙིང་པོ་ཉིད།། གཏིང་ཟབ་རྒྱ་མཚོའི་འཇིང་དང་འདྲ།། ཀུན་འབྱུང་ས་གཞིའི་རིན་ཆེན་གཏེར།། དགོས་འདོད་འབྱུང་བས་རིན་པོ་ཆེ།། ཞེས་གསུངས
230a3 སོ།། གསང་བ་སྤྱི་རྒྱུད་ལས། ཐུགས་རྗེ་མཛད་པའི་ལེའུ་སྟེ་དགུ་པའོ།། །། དེ་ནས་གསང་བདག་ཆེན་པོ་ལ་སེམས་དཔའ་རྡོ་རྗེས་ཞུས་པ། ཡང་དག་པའི་དོན་ཇི་ལྟ་བུ། གསང་བདག་ཆེན་པོས་གསུངས་པ།
230a4 དམིགས་མེད་ཁ་དོག་ཡུལ་དང་བྲལ།། སྤྲོས་བྲལ་བསམ་དུ་མེད་པའོ།། བྱང་ཆུབ་སེམས་ལ་མཚོན་དུ་མེད།། གཟུང་འཛིན་བྲལ་བས་འཁྲུལ་པ་མེད།། བསམ་མེད་བློ་ཡི་ཡུལ་དང་བྲལ།། མཐའ་དབུས་མེད་པར་སྙིང
230a5 པོ་གསལ།། གསལ་བའི་ངཔལ་རྩིས་གདབ་མེད།། སྐྱོན་དང་བྲལ་བའི་ཆོས་ཉིད་དེ།། ཐོགས་པ་མེད་པའི་བྱང་ཆུབ་སེམས།། གསལ་འགྲིབ་མེད་པའི་ཡེ་ཤེས་ཏེ།། འགག་པ་མེད་པའི་ཆོས་ཉིད་དོ།། མ་ནོར་པ་ཡི
230a6 ཆོས་ཉིད་དེ།། རང་ལས་བྱུང་བ་མངོན་སངས་རྒྱས།། སྐྱེ་འགག་མེད་པའི་བྱང་ཆུབ་སེམས།། མ་ནོར་མ་བཅོས་དབྱིངས་ན་མེད།། སྐྱེ་བ་མེད་པའི་རང་བཞིན་ནི།། ཚོགས་དྲུག་མཚན་མའི་ཡུལ་དང་བྲལ།། ཆོས་སྐུ
iiif viewer powered by OpenSeadragon
