| e-texts navigator |
| Wylie |
22b1 སྣང་བ་ཡི་ཏིང་འཛིན་ཏེ།། གཟུགས་བརྙན་སྒྱུ་མ་སྒྲ་སྙན་དང་།། སྨིག་རྒྱུ་ལ་སོགས་རྣམ་པ་ཅན།། སྣང་དང་མི་སྣང་དབྱེར་མེད་དེ།། ཡོད་དང་མེད་དང་དབྱེར་མེད་པའོ།། སྣང་དུ་འདྲ་ཡང་ཐ་དད་སྟེ།། དོན་དང་རྟགས
22b2 ལ་སོགས་པ་རྣམས།། རྣམ་པ་ཐ་དད་གཉིས་སུ་སྣང་།། ཡང་དག་ཡང་དག་མ་ཡིན་པས།། བསམ་པའི་དབང་གི་དེར་འགྱུར་རོ།། དེ་ནི་དེ་བཞིན་གཤེགས་པ་ཡི།། བརྡ་ཞེས་རྣམ་པར་བསྟན་པ་ཡིན།། གང་ཞིག་རྩེ
22b3 གཅིག་མ་གྱུར་པས།། མཐའ་རུ་མ་སྐྱེས་ཏིང་འཛིན་བསྒོམ།། དངོས་པོ་འདི་རྣམས་མ་སྐྱེས་པས།། ཆོས་དང་ཆོས་ཉིད་མེད་པ་སྟེ།། ནམ་མཁའ་ལྟ་བུར་བདག་མེད་པས།། ཡེ་ནས་སྟོང་པའི་རང་བཞིན་ནོ།། སྟོང་པའི
22b4 རང་བཞིན་མཚན་མ་མེད།། དེ་ནས་སྨོན་པ་ངེས་འབྲེལ་ལོ།། རྣམ་པར་ཐར་པ་གསུམ་དང་ལྡན།། ཆགས་མེད་བཞི་ཡི་ལམ་ནས་འཇུག། སྟོང་པ་ཉིད་དུ་རྣམ་རིག་ན།། རང་བྱུང་ཡེ་ཤེས་ངང་གིས་འཆར།། འབྲས་བུ
22b5 ཀུན་ཏུ་འོད་ས་ཐོབ།། ཡོན་ཏན་ནམ་མཁའི་མཐའ་དང་མཉམ།། ཆེ་བའི་ཆེ་བ་ཟབ་མོ་ཡིན།། ཡོན་ཏན་ཅིར་ཡང་བསྔགས་པ་མེད།། ཡོན་ཏན་ཆེན་པོའི་བསམ་གཏན་ནི།། བསམ་གཏན་ཉིད་པས་བསམ་དུ་མེད།། མ
22b6 བསམས་མ་སྦྱངས་ཆོས་ཉིད་ལ།། རང་དོན་ཆེན་པོའི་ནམ་མཁའ་འབྱུང་།། ཀུན་ཏུ་འོད་ཀྱི་ས་ཐོབ་ནས།། ཞིང་ཁམས་རྒྱ་དང་བྲལ་བ་ཡི།། དཀྱིལ་འཁོར་ཐམས་ཅད་འབར་བས་སྣང་།། དཀྱིལ་འཁོར་དེ་དག་ཐམས
iiif viewer powered by OpenSeadragon
