| e-texts navigator |
| Wylie |
22a1 ཉིད་ཡིན།། ཡོན་ཏན་ཀུན་གྱི་གཏེར་གྱུར་ཏེ།། མཆོག་ཏུ་གྱུར་པ་འགྲུབ་པར་ཤོག། གསང་བ་དབྱིངས་ཀྱི་དབུས་དག་ཏུ།། བསྐྱེད་པའང་རྫོགས་པ་གང་འདོད་པས།། རང་གི་དཀྱིལ་འཁོར་རྣམས
22a2 བསྒོམས་ཏེ།། ཐུགས་ཀའི་གསུང་གི་ཕྱག་རྒྱ་ལས།། རྡོ་རྗེ་ཀྱོ་བ་མང་འཕྲོས་ཏེ།། ཡེ་ཤེས་འཁོར་ལོ་རབ་བསྐུལ་ནས།། མཆོད་རྟེན་རྩེ་མོར་གསུང་དུ་འགྱུར།། རྡོ་རྗེ་ལམ་བྱུང་ཡུམ་གྱི་མཁའ།། ཆོས་སྐུ་བྱང་ཆུབ་སེམས
22a3 སུ་གནས།། དེ་ཉིད་བཟུང་བས་གསུང་དང་ནི།། རིན་ཆེན་འཛིན་པ་ཞེས་བྱའོ།། བཟུང་བ་རྡོ་རྗེ་འཛིན་པ་སྟེ།། དེ་ལ་རྟོག་དང་དཔྱོད་པ་དང་།། དགའ་དང་དེ་བཞིན་བདེ་བ་དང་།། རྩེ་གཅིག་པ་ནི་རྣམ་ལྡན
22a4 པའོ།། རིན་ཆེན་རྒྱུན་གྱི་ཤེས་པ་ནི།། མི་རྟོག་པ་ཡི་ཤེས་པ་ནི།། མོས་ལས་བྱུང་བའི་མི་དམིགས་པའོ།། ཤེས་རབ་དབང་དང་རྣམ་ལྡན་པས།། ཤེས་པར་གྱུར་པ་ཡེ་ཤེས་སོ།། དོན་དམ་མཐོང་བར་འདོད་པ་ན།། འདི
22a5 ལ་མཐོང་བ་དེ་མི་མཐོང་།། འདི་ཡིས་ཡེ་ཤེས་པ་བསྐྱེད་དེ།། དེ་ཡི་དོན་དམ་རྣམ་པར་མཐོང་།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། དེ་བཞིན་གཤེགས་པ་ཐམས་ཅད་ལ
22a6 ཡང་ཐབས་འདི་ལྟ་བུ་གསུངས་སོ།། ནམ་མཁའ་དབྱིངས་ནས་བྱུང་བ་ཡི།། རིན་ཆེན་ཁ་དོག་སྣ་ལྔ་པ།། ཡུངས་ཀར་ཕྲ་མོའི་འབྲུ་ཙམ་སྟེ།། ཕྱི་ནང་གསུམ་གྱི་སྣ་རྩེར་ནི།། རྣལ་འབྱོར་ཅན་གྱིས་རྟག་ཏུ་བསྒོམ།། རང
iiif viewer powered by OpenSeadragon
