| e-texts navigator |
| Wylie |
229a1 འཛིན་པ་མེད།། གསལ་འགྲིབ་མེད་པའི་ཡེ་ཤེས་ནི།། ཉི་མའི་དཀྱིལ་འཁོར་བཞིན་དུ་གསལ།། ཕྱི་ནང་མི་མངའ་མན་ཤེལ་གཟུགས།། དེ་ལས་དེ་བྱུང་ངོ་མཚར་རྒྱན།། ཕྱོགས་རིས་མེད་པའི་འོད་ཀྱི
229a2 སྐུ།། མདུན་རྒྱབ་མེད་པར་ཐལ་ལེ་བ།། གསལ་བའི་ངང་ལས་རིན་པོ་ཆེ།། འདོད་པའི་འབྲས་བུ་འབྱུང་བའི་མཆོག། དཔག་བསམ་ཤིང་བཞིན་ལྷུན་གྱིས་གྲུབ།། གཞན་ལས་འབྱུང་བའི་ཆོས་མ་ཡིན།། སྣང་བ་ལྔ་ཡི
229a3 དཀྱིལ་འཁོར་ནས།། སྐུ་ལྔ་འབྲས་བུ་དང་ལས་བྱུང་།། ཞེས་གསུངས་སོ།། གསང་བ་སྤྱི་རྒྱུད་ལས། ཡར་གྱི་རྟོགས་ཚུལ་བསྟན་པའི་ལེའུ་སྟེ་བདུན་པའོ།། །། དེ་ནས་སེསམ་དཔའ་རྡོ་རྗེས་གསང་བདག་ཆེན་པོ
229a4 ལ་ཞུས་པ། ཡར་གྱི་རྟོགས་ཚུལ་དེ་ལྟར་རྟོགས་པ་ལ།། འགྲོ་དྲུག་སེམས་ཅན་མ་རྟོགས་ཇི་ལྟར་འཁྲུལ།། གསང་བདག་ཆེན་པོས་གསུངས་པ། ཐོག་མེད་དུས་ན་དོན་མི་གསལ།། རྒྱུ་དང་ལོག་གཅོད་ཟབས་དང
229a5 བྲལ།། སྤྲིན་དང་མུན་པའི་ལིང་ཏོག་གིས།། རྫས་གང་མི་མཐོང་བསྒྲིབས་པ་བཞིན།། རྒྱུ་རྐྱེན་ངོ་བོ་ཚུལ་དུས་ཀྱིས།། བལྟ་བྱའི་སྙིང་པོ་མཐོང་བ་མེད།། མཁའ་འགྲོ་འདོད་དབང་རྒྱུ་བ་ཡིས།། ས་ཁུང་སྟི་བྲུས་ཟིན་པ
229a6 བཞིན།། གང་ཞིག་འདོད་པའི་སྙིས་ཟིན་ནོ།། མེད་སྣང་ལོག་པར་མཐོང་བ་ཡིས།། མཁའ་ལ་སྐྲ་ཤད་འཁོར་ལོ་དང་།། གངས་ལ་སེར་པོར་མཐོང་དག་འདྲ།། དངས་མའི་འོད་ལས་ཟེར་ལྔ་ཤར།། མེད་ལས་ཡོད
iiif viewer powered by OpenSeadragon
