| e-texts navigator |
| Wylie |
228b1 གནས་ལུགས་བསྟན་པའི་ལེའུ་སྟེ་དྲུག་པའོ།། །། དེ་ནས་སེམས་དཔའ་རྡོ་རྗེས། གསང་བདག་ཆེན་པོ་ལ་ཞུས་པ།། གནས་ལུགས་དེ་ལྟར་གནས་པ་ན།། གསང་བདག་ཆེན་པོས་ཇི་ལྟར་རྟོགས།། ང་ལ་སོགས
228b2 པས་རྟོགས་ཐབས་ཡོད་དམ་མེད།། ཅེས་གསོལ་པས། གསང་བདག་ཆེན་པོས་གསུངས་པ།། ཡེ་ནས་རང་བཞིན་ལྷུན་གྲུབ་ལས།། འོད་ལྔའི་སྣང་བ་རང་ཤར་བས།། ཤེས་རབ་མཁའ་ལ་འདེགས་པའི་རླུང་།། འོད
228b3 གསལ་སེམས་ཉིད་ངོ་བོར་ཤར།། གཞན་ལ་མ་ལྟོས་ཤུགས་ལས་བྱུང་།། རང་དབང་ཡེ་ཤེས་རྒྱལ་པོ་ཤར།། ཞིང་ཁམས་མ་ལུས་བདེ་བར་སྤྱོད།། མཁྱེན་པའི་ཡེ་ཤེས་རང་བཞིན་ཤར།། མོས་པའི་བསམ་པ
228b4 མཁྱེན་མཆོག་གི། འདོད་པའི་འབྲས་བུ་སོ་སོར་སྟོན།། ཡོན་ཏན་སྒོ་མོ་བསམ་མི་ཁྱབ།། རང་རང་གང་འདུལ་ཐབས་སུ་བསྟན།། དབང་པོའི་བྱེ་བྲག་སོ་སོ་ལ།། ཐེག་པའི་སྒོ་ཡང་སོ་སོར་བསྟན།། སྐུ་ལྔ་འབྲས་བུ་སོ
228b5 སོར་ཐོབ།། དུས་གསུམ་སངས་རྒྱས་ཆོས་ཆེན་པོ།། མཚོན་དུ་མེད་པས་དམིགས་དང་བྲལ།། ངོས་གཟུང་མེད་པས་འཛིན་སེམས་མེད།། འཛིན་བྲལ་སྟོང་པའི་ཡེ་ཤེས་ཉིད།། འདོད་པའི་འབྲས་བུ་ཤུགས་ལས
228b6 འཆར།། བརྒྱད་ཁྲིའི་སྒོ་ཡང་སོ་སོར་ཕྱེ།། མ་བཅོས་སེམས་ཀྱི་ངོ་བོར་འདུས།། བྱང་ཆུབ་སེམས་ཀྱི་ཀུན་གྱི་གཞི།། སངས་རྒྱས་ཉིད་ལས་གཞན་མ་ཡིན།། ཕྱོགས་སུ་མ་བཟུང་རིས་མེད་པ།། འདོད་པའི་ཕྱོགས་ལ
iiif viewer powered by OpenSeadragon
