| e-texts navigator |
| Wylie |
228a1 དུ་ཇི་བཞིན་གནས།། ཡང་དག་འདི་འདྲ་ཞེ་འདོད་བྱེད།། སེམས་དཔའ་རྡོ་རྗེ་ཁྱོད་ཉིད་འཁྲུལ།། ད་ལྟ་འདི་འདྲར་བསྒོམ་འདོད་པས།། བསྒོམ་ཆགས་ལམ་གྱི་ནད་ཀྱིས་ཟིན།། སྟོན་པའི་ལུང་གི་ཚིག
228a2 རྣམས་ལ།། ལམ་དུ་དེ་མཐོང་འཇུག་པ་ནི།། འཁྲུལ་པའི་ལམ་ཞུགས་སྨིག་རྒྱུར་བསྙེག། ཡང་དག་ལམ་ནི་འདི་ཡིན་ཏེ།། ཚིག་དང་ཡི་གེས་མཚོན་དུ་མེད།། ངང་གིས་མི་གཡོ་འགྱུ་བ་བྲལ།། རང་བཞིན་ཆོས་ཀྱི
228a3 གཞལ་ཡས་ན།། སྲོག་མེད་སྟོན་པའི་ངོ་བོར་བཞུགས།། རང་བཞིན་འཁོར་གྱི་ངོ་བོས་བསྐོར།། གསུང་མེད་བསྟན་པ་རྒྱ་མཚོ་སྒྲོགས།། བྱ་བྲལ་ཆོས་ལ་རང་བཞིན་བཀོད།། མཉམ་པའི་རྒྱལ་པོ་རང་བཞིན་ཐོབ།། ཡེ
228a4 ནས་རྩོལ་བསྒྲུབ་ནད་བྲལ་ལ།། བྱས་ཟིན་རྩོལ་བའི་ནད་དང་བྲལ།། རང་གནས་ལྷུན་ལ་ངང་གིས་གནས།། མ་བཅོས་མ་བྱས་རང་ལུགས་གནས།། མཉམ་ཉིད་སྙིང་པོ་ཀུན་གྱི་གཞི།། ངོ་བོ་དངོས་པོ་དང་བྲལ
228a5 ལ།། ཕྱོགས་གཅིག་འདི་འདྲར་བཟུང་དུ་མེད།། ཇི་བཞིན་མཉམ་པའི་སྙིང་པོ་ལ།། ཁ་དོག་འོད་ལྔ་སོ་སོར་གསལ།། ཟེར་རྩལ་ཡན་ལག་ལྔ་འབྱུང་བས།། སྣང་བའི་ཚུལ་ལ་རིམ་གྱིས་འབྱུང་།། དེ་ལས་འཆར་སྒོ།
228a6 སོར་ཤར།། སུས་ཀྱང་མ་བྱས་ཤུགས་ལས་བྱུང་།། བག་ཆགས་རྟོག་འཁྲུལ་སྣ་ཚོགས་སྐྱེས།། ཡེ་ཤེས་རང་སྣང་འདི་ཉིད་ལ།། མ་བཙལ་མ་བསྒོམས་ངང་གིས་ཤར།། ཞེས་གསུངས་སོ།། གསང་བ་སྤྱི་རྒྱུད་ལས།།
iiif viewer powered by OpenSeadragon
