| e-texts navigator |
| Wylie |
227b1 བདག་ཆེན་པོས་གསུངས་པ།། སྟོན་པ་སེམས་ཉིད་རྫོགས་ཆེན་ལ།། ཡེ་ནས་གཉིས་མེད་མཉམ་པའི་ཕྱིར།། གཅིག་ལ་གཉིས་སུ་དབྱེ་རུ་མེད།། དབྱེ་རུ་མེད་པའི་གཏན་ཚིགས་ནི།། གཅིག་མེད་སྤྲོས་ལ་མེད་པ
227b2 ཡིན།། སྤང་འགེག་སྦྱོང་ཞིང་བགྲོད་པ་དང་།། གཟུང་འཛིན་བླང་དོར་བྱ་བ་དང་།། ལྟ་སྤྱོད་རྩོལ་བསྒྲུབ་བྱར་མེད་དེ།། ལམ་དང་གཉེན་པོས་བཅོས་མེད་པར།། བྱང་སེམས་མཉམ་པའི་རང་བཞིན་དུ།། ང་ཡིས་བསྟན
227b3 པའི་དོན་འདི་ནི།། བྱང་ཆུབ་སེམས་དཔའི་ལུང་ཆེན་ཡིན།། མ་གཡོས་ཐིག་ལེ་མཉམ་པ་ཉིད།། མིང་དང་དོན་དང་དཔེ་དང་ནི།། རང་བཞིན་མཚན་ཉིད་སེལ་ལུགས་སོ།། སངས་རྒྱས་སེམས་ཅན་གཉིས་མེད
227b4 པས།། སེམས་ལ་བླང་དོར་བྱ་རུ་མེད།། སེམས་ཉིད་རྫོགས་པ་ཆེན་པོ་ལ།། ཐམས་ཅད་ལྷུན་གྱིས་གྲུབ་པའི་ཕྱིར།། བདེ་དང་སྡུག་བསྔལ་རྒྱུ་གཅིག་ཕྱིར།། སྙིང་པོ་བྱང་ཆུབ་སེམས་རྟོགས་ན།། དུས་ལ་སྔ་ཕྱི་མེད་པར
227b5 གཅིག། འདི་ཡིན་འདི་མིན་ངང་གིས་མེད།། སེམས་ལ་གཟུང་རྐྱེན་མེད་པས་ན།། དོན་ལ་བསྒོམ་དུ་མ་མཆིས་ཏེ།། དེས་ན་འདི་མེད་ངེས་པ་མེད།། སྙིང་པོ་བྱང་ཆུབ་སེམས་འདི་ལ།། ཏིང་འཛིན་བསམ་པའི་དོན་ལས
227b6 འདས།། བརྗོད་དུ་མེད་པའི་ངང་ལ་གནས།། དེ་ལྟའི་སྙིང་པོ་བྱང་ཆུབ་སེམས།། བསྟན་པའི་སྙིང་པོར་གྱུར་པས་ན།། སངས་རྒྱས་ཀུན་གྱིས་རབ་ཏུ་བསྔགས།། བྱ་བྱེད་རྩོལ་བསྒྲུབ་མི་མངའ་བས།། བདེ་ཆེན་ཀློང
iiif viewer powered by OpenSeadragon
